Ποντιακός Στίχος

Προβολή Τραγουδιού

Κατεβάστε τους στίχους σε PDF

Παλληκάρι͜α ας σον Πόντον

Πόντος 1914 - 1922Πόντος 1914 - 1922

Στιχουργοί: Γρηγόρης Συμεωνίδης

Συνθέτες: Γρηγόρης Συμεωνίδης

Καλλιτέχνες: Αλέκος Καραμπίδης, Γρηγόρης Συμεωνίδης


Σα ραχ̌ία τη Σαμψούντας
και ση Τσ̌αρσαμπά
Ση Σεβάστεια, ση Πάφρα
κι ους το Έρπαα
Παλληκάρι͜α ας σον Πόντον
τον τουσ̌μάνον κρού’ν
Είν’ όλιγα, ὰμα, μάνα μ’,
ατείν’ θα νικούν
Ορκισμένα είναι, μάνα,
ατόν να νικούν

Το Χαραλαμπίδην έχ’νε
ατείν’ αρχηγόν
και το Κοντοβραχιονίδη
τον σταυραετόν
Τον αητόν τον Τσ̌αουσίδη,
τον Παντέλ’-αγά/Ιστύλ’-αγά
Τον Ανθόπουλον το Βάσον,
τον Αντών-Πασ̌ά

Καπετάνιος δοξασμένος
και παλληκαράς
με παιδία έναν κι έναν
ο Κοτζ̌ά-Αναστάσ’
Ους τη Κάβζας τα ραχ̌ία
ατός κατηβαίν’
τον τουσ̌μάνον με μανίαν
κρούει και δα̤βαίν’

Σα ραχ̌ία ξημερών’νε 
και κοιμούντανε
Τον τουσ̌μάνον ’κι τσ̌αλεύ’νε,
’κι φογούντανε
Για τον Πόντον πολεμούνε,
λύουνταν ατείν’
Τα κορμία τουν αφήν’νε
απάν’ σο ραχ̌ίν
Γλωσσάρι
ΚείμενοΕπεξήγησηΕτυμ. ΡίζαΠροέλευση
ὰμααλλά ama/ammā
απάν’πάνω
ατείν’αυτοί
ατόςαυτός
αφήν’νεαφήνουν
δα̤βαίν’(για τόπο) περνάει, διασχίζει, (για χρόνο) περνάει (γενικότερα) περνάει, παύει, τελειώνει διαβαίνω
είν’(για πληθ.) είναι
έχ’νεέχουνε
κατηβαίν’κατεβαίνει
’κιδεν οὐκί<οὐχί
κοιμούντανεκοιμούνται
κορμίακορμιά
κρούειχτυπάει κρούω
κρού’νχτυπούν κρούω
λύουντανλιώνουν
ουςως, μέχρι
παιδίαπαιδιά
πασ̌άπασά (βαθμός ή τίτλος τιμητικός ανώτατου πολιτικού ή στρατιωτικού επί Οθωμ. Αυτοκρατορίας), (καθομ.) άρχοντα, τιμητική προσφώνηση μεγαλύτερου αδελφού paşa
ραχ̌ίαράχες, βουνά
ραχ̌ίνβουνό, ράχη
τουντους
τουσ̌μάνονεχθρός, εχθρό düşman/duşmān
τσ̌αλεύ’νευπολογίζουν, λογαριάζουν
φογούντανεφοβούνται

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr