Ποντιακός Στίχος

Προβολή Τραγουδιού

Κατεβάστε τους στίχους σε PDF

Σον Πόντον ξαν να έρρουζα

Πόντος 1914 - 1922Πόντος 1914 - 1922

Στιχουργοί: Γρηγόρης Συμεωνίδης

Συνθέτες: Γρηγόρης Συμεωνίδης

Καλλιτέχνες: Αλέκος Καραμπίδης, Γρηγόρης Συμεωνίδης


Ας σην καρδία μ’ τραγωδώ
έμορφα τραγωδίας
Τον Πόντον να χαρίζ’ ατα,
να στείλω χ̌αιρετίας

Πουλί μ’, αν είσαι Πόντιος
να έ͜εις ατο καυχ̌ίαν
Ο Πόντον έχ̌’ πολλά τρανόν,
έμορφον ιστορίαν

Χωρία είχαμ’ έμορφα,
πλούσια πολιτείας
Εγούρεψαμε κι έχτισαμ’
σχολεία κι εκκλησίας

Τρανόν καμάρ’ τ’ εμέτερον,
Σουμέλα Παναΐα
Στέκ’ σο ραχ̌όπον τη Μελά
απάν’ σην ερημίαν

Θεέ μ’, απόψ’ να έρρουζα
απέσ’ ση Τραπεζούνταν
Τη Τρίπολην να έλεπα,
τη Πάφραν, τη Σαμψούνταν

Την Κερασούνταν, την Ορντού,
την Κρώμην και την Σάνταν
Ας έλεπα και επεκεί
τ’ ομμάτι͜α μ’ ας εχάν’νταν
Γλωσσάρι
ΚείμενοΕπεξήγησηΕτυμ. ΡίζαΠροέλευση
απάν’πάνω
απέσ’μέσα
ατααυτά
έ͜ειςέχεις
εγούρεψαμεστήσαμε kurmak
έλεπαέβλεπα
εμέτερονδικός/ή/ό μου ἡμέτερος
έμορφαόμορφα
έμορφονόμορφο
επεκείαπό εκεί, από τότε, ύστερα, κατόπιν
έρρουζαέπεφτα
έχ̌’έχει
εχάν’ντανχάνονταν
καυχ̌ίαναυτοέπαινο, καύχημα
ομμάτι͜αμάτια
ΠαναΐαΠαναγιά
πολλά(επίθ.) πολλά, (επίρρ.) πολύ
ραχ̌όπονραχούλα, μικρό βουνό
τραγωδίαςτραγούδια
τραγωδώτραγουδάω
χ̌αιρετίαςχαιρετίσματα
χωρίαχωριά

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr