Αν αξιών’ με ο Θεόν

Προβολή Τραγουδιού

Η μουσική μας παράδοση | Ποντιακά τραγούδια

Καλλιτέχνες: Βαγγέλης Γραμματικόπουλος, Δημήτρης Γραμματικόπουλος

Αν αξιών’ με ο Θεόν
θα πάω μίαν κι άλλο
σον Πόντον, αχ! τον Εύξεινο
κι ύστερα ας αποθάνω

Θα πάω όλια λάσκουμαι,
Τρίπολη, Τραπεζούντα
Ση Σαντά, Κρώμ’ και Σούρμενα,
Χόψ̌α και Κερασούντα

Θα πάω ελέπω τ’ έρημα
τα πράσινα γιαζία
Τη Σουμελά την Παναγιά
ντο κείται σα ραχ̌ία
με τα νερά τα κρύα

Θα πάω ελέπω, λάσκουμαι
χωρία, πολιτείας
Σα τόπι͜α ντο ετράνυνα,
ντ’ εποίν’να τα ζαντίας

Γλωσσάρι

Κείμενο	Επεξήγηση	Ετυμ. Ρίζα
αξιών’	αξιώσει
αποθάνω	πεθαίνω
γιαζία	πεδιάδες, εξοχή, ύπαιθρος	yazı
ελέπω	βλέπω
εποίν’να	έκανα, έφτιαχνα	ποιέω-ῶ
ετράνυνα	μεγάλωσα, ανέθρεψα	τρανόω-ῶ
ζαντίας	τρέλες, ανοησίες	σάννας
κείται	κείτεται, ξαπλώνει
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
μίαν	μια φορά
μίαν κι άλλο	άλλη μια φορά
όλια	όλα
ραχ̌ία	ράχες, βουνά
τόπι͜α	τόποι, μέρη
χωρία	χωριά