Ντό πολλά εξέρ’νε ατείν’

Προβολή Τραγουδιού

Συνθέτες: Μάκης Παυλίδης, Μπάμπης Τσακαλίδης

Καλλιτέχνες: Μάκης Παυλίδης, Μπάμπης Τσακαλίδης

Έλεγαν, έλεγαν
και το ψ̌όπο μ’ έκαιγαν
Την καρδά̤ μ’ εμαύρυναν
εποίκαν άμον τηγάν’

Ατείν’ τερούν, ατείν’ τερούν
μόνον να κατηγορούν
Το κακόν έχ’νε σο νουν
τον Θεόν ξάι ’κι τερούν

Έξεραν, έξεραν
ατείν’, Θεέ μ’, ντ’ εποίν’ναν
Σο δά̤βολον την ψ̌ην ατουν
ατείν’ επαρεδίν’ναν

Κατηγορούν, κατηγορούν
το στόμαν ατουν ’κι κρατούν
Κάτ’ ευτάνε -ν- εθαρρούν,
κολατίουν ’κι τερούν

Ντ’ έσυρα, ντ’ έσυρα
ατό -ν- εγώ έξερα
Άμον τον Χριστόν πολλά
ση ζωή μ’ υπόφερα

Ντό πολλά εξέρ’νε ατείν’!
Δά̤βολον έχ’νε ση ψ̌ην
Έναν ένταν μετ’ ατόν
επιδέβαν τον Θεόν/Χριστόν

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
ατείν’	αυτοί
ατουν	τους
δά̤βολον	διάβολο
εθαρρούν	θαρρούν, νομίζουν, υποθέτουν
εμαύρυναν	μαύρισαν
ένταν	έγιναν
έξερα	ήξερα
έξεραν	ήξεραν
εξέρ’νε	ξέρουν, γνωρίζουν ή ήξερε, γνώριζε
επαρεδίν’ναν	παρέδιναν
επιδέβαν	έφυγαν, άφησαν πίσω, προσπέρασαν, ξεπέρασαν
εποίκαν	έκαναν, έφτιαξαν	ποιέω-ῶ
εποίν’ναν	έκαναν, έφτιαχναν	ποιέω-ῶ
έσυρα	έσυρα, τράβηξα, έριξα
ευτάνε	κάνουν, φτιάχνουν	εὐθειάζω
έχ’νε	έχουνε
καρδά̤	καρδιά
’κι	δεν	οὐκί<οὐχί
κολατίουν	κολάζονται
κρατούν	κρατάνε στο χέρι, βαστάνε, αντέχουν, συγκρατούν, διαρκούν
μετ’	μαζί με (με αιτιατική), με (τρόπος)
ξάι	καθόλου
πολλά	(επίθ.) πολλά, (επίρρ.) πολύ
τερούν	κοιτούν
ψ̌ην	ψυχή
ψ̌όπο	ψυχούλα