Καμίαν εγώ ’κι γελώ

Προβολή Τραγουδιού

Συνθέτες: Μάκης Παυλίδης, Μπάμπης Τσακαλίδης

Καλλιτέχνες: Μάκης Παυλίδης, Μπάμπης Τσακαλίδης

Καμίαν εγώ ’κι γελώ
και ’κ’ είμαι χαρεμένος
Ατόσον και πολλά πονώ
πάντα -ν- είμαι κλαμένος

Πονώ, πουλόπο μ’, πολλά πονώ
και καν’νάν ’δέν ’κι λέγω
Κουρτώ τα δά̤κρα̤ μ’ ’κ’ επορώ
κι απέσ’ ι-μ’ εγώ κλαίγω

Συλλογισμένος πορπατώ
τα χ̌έρα̤ μ’ σταυρωμένα
Κανείς κακόν να μην παθάν’,
αρνί μ’, άμον εμένα

Ση στράταν όντες ελέπ’νε με
«χ̌ιλά̤κλερον» εμέν λέγ’νε
Η γούλα μ’ γομούται, ’κ’ επορώ
και τ’ ομματόπα κλαίνε

Καπνίζω, πίνω και μεθώ
πάντα συλλογισμένος
Απάν’ σον κόσμον έρημος
σα πόνα̤ φορτωμένος

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απάν’	πάνω
απέσ’	μέσα
ατόσον	τόσο
γομούται	γεμίζει, βουρκώνει, κομπιάζει
γούλα	λαιμός	gula
δά̤κρα̤	δάκρυα
’δέν	τίποτα
ελέπ’νε	βλέπουνε
επορώ	μπορώ
’κ’	δεν	οὐκί<οὐχί
καμίαν	ποτέ
καν’νάν	κανέναν
’κι	δεν	οὐκί<οὐχί
κουρτώ	καταπίνω
λέγ’νε	λένε
ομματόπα	ματάκια
όντες	όταν
παθάν’	παθαίνει
πολλά	(επίθ.) πολλά, (επίρρ.) πολύ
πόνα̤	(αιτ.) πόνοι, πόνους
πορπατώ	περπατάω
πουλόπο	πουλάκι
χ̌έρα̤	χέρια
χ̌ιλά̤κλερον	χιλιάκληρος
χαρεμένος	χαρούμενος