Σα χωρία ελάσκουμ’νε

Προβολή Τραγουδιού

Συνθέτες: Μάκης Παυλίδης, Μπάμπης Τσακαλίδης

Καλλιτέχνες: Μάκης Παυλίδης, Μπάμπης Τσακαλίδης

Τσ̌αχάλτς έμ’νε ’κ’ εγροίκανα
και ’κ’ έκοφτεν τ’ αχούλι μ’
Έτρεχα και ’κ’ έλεπα
έμπρα̤ μ’ εγώ, πουλί μ’

Σα χωρία ελάσκουμ’νε
είχα πολλά σεβντάδες
Εγάπανα τα κορτσόπα
κι εθέλ’να τα νυφάδες

Τιδέν εγώ ’κ’ ενούνιζα,
τη νύχταν ’θάρρ’να μέραν
Τα έμορφα τα κορτσόπα
τ’ αχούλι μ’ ατά επέραν

Σα χωρία ελάσκουμ’νε
είχα πολλά σεβντάδες
Εγάπανα τα κορτσόπα
κι εθέλ’να τα νυφάδες

Ετάβιζε με η μάνα μ’
τα παλαλά ντ’ εποίν’να
Εκόμπωνα τα κορτσόπα
κι εκλαίνιζα -ν- εκείνα

Σα χωρία ελάσκουμ’νε
είχα πολλά σεβντάδες
Εγάπανα τα κορτσόπα
κι εθέλ’να τα νυφάδες

Κι ατώρα πίνω και μεθώ
θυμούμ’ ατα και κλαίγω
Τ’ έμορφα αγλήγορα φεύ’νε,
παιδόπα, εσάς λέγω

Σα χωρία ελάσκουμ’νε
είχα πολλά σεβντάδες
Εγάπανα τα κορτσόπα
κι εθέλ’να τα νυφάδες

Γλωσσάρι

Κείμενο	Επεξήγηση	Ετυμ. Ρίζα
αγλήγορα	γρήγορα
ατά	αυτά
ατα	αυτά
ατώρα	τώρα
αχούλι	μυαλό	akıl/ʿaḳl
εγάπανα	αγαπούσα
εγροίκανα	καταλάβαινα
εθέλ’να	ήθελα
εκόμπωνα	ξεγελούσα, εξαπατούσα, μτφ. σαγήνευα	κομβόω
έκοφτεν	έκοβε
ελάσκουμ’νε	περιφερόμουν, τριγυρνούσα, περιπλανιόμουν	ἀλάομαι/ηλάσκω
έλεπα	έβλεπα
έμ’νε	ήμουν
έμορφα	όμορφα
έμπρα̤	μπροστά
ενούνιζα	σκεφτόμουν
επέραν	πήραν
εποίν’να	έκανα, έφτιαχνα	ποιέω-ῶ
’θάρρ’να	(εθάρρ’να) θαρρούσα, πίστευα, νόμιζα
θυμούμ’	θυμάμαι
’κ’	δεν	οὐκί<οὐχί
κορτσόπα	κοριτσάκια
νυφάδες	νύφες
παιδόπα	παιδάκια
παλαλά	τρελά, τρέλες
πολλά	(επίθ.) πολλά, (επίρρ.) πολύ
σεβντάδες	έρωτες	sevda/sevdā
τιδέν	τίποτα
τσ̌αχάλτς	άπειρος, ανώριμος, άβγαλτος	cahil/cāhil
φεύ’νε	φεύγουν
χωρία	χωριά