Έμορφον και καλόν

Προβολή Τραγουδιού

Καλλιτέχνες: Βασίλης Τοπαλίδης, Χρήστος Ασφαλτίδης

Κορτσόπον, τονατεύκεσαι
κι εγώ θα παλαλούμαι
Ση γην επρωτογνώρτσα σε,
σον ουρανόν πετούμε

Εσέν θέλω και θα παίρω
κι ό,τι θέλτς εσύ θα φέρω
Αρχόντισσα θα είσαι,
σα πούπουλα θα κείσαι

Λελεύω τα στομόχ̌ειλα σ’
όντες χαμογελούνε
Με τη ματί’ σ’ το τέρεμαν
τραντάφυλλα ανθούνε

Εσέν θέλω και θα παίρω
κι ό,τι θέλτς εσύ θα φέρω
Αρχόντισσα θα είσαι,
σα πούπουλα θα κείσαι

Το γαμπροκούρ’ πα έκοψα
μ’ έναν αξιναρέαν
Εγώ κι εσύ, τρυγόνα μου,
θα χτίζομε φωλέαν

Εσέν θέλω και θα παίρω
κι ό,τι θέλτς εσύ θα φέρω
Αρχόντισσα θα είσαι,
σα πούπουλα θα κείσαι

Γλωσσάρι

Κείμενο	Επεξήγηση	Ετυμ. Ρίζα
αξιναρέαν	αξιναριά, χτύπημα με αξίνα
γαμπροκούρ’	το χοντρό κούτσουρο που πρέπει να σκιστεί από τον γαμπρό για να δείξει ότι είναι ικανός να αναλάβει τα έξοδα της οικογένειας, κάθε κούτσουρο που κόβεται δύσκολα	γαμπρός + κουρίν
επρωτογνώρτσα	πρωτογνώρισα
θέλτς	θέλεις
κείσαι	κείτεσαι, ξαπλώνεις
κορτσόπον	κοριτσάκι
λελεύω	χαίρομαι
ματί’	ματιού
όντες	όταν
πα	πάλι, επίσης, ακόμα
παίρω	παίρνω
παλαλούμαι	τρελαίνομαι
στομόχ̌ειλα	τα χείλια του στόματος
τέρεμαν	βλέμμα, κοίταγμα, μτφ. φροντίδα
τονατεύκεσαι	στολίζεσαι, καλλωπίζεσαι	donatmak
τραντάφυλλα	τριαντάφυλλα
τρυγόνα	το πουλί τρυγόνι, χαϊδευτική προσφώνηση γυναίκας
φωλέαν	φωλιά
χτίζομε	χτίζουμε