Παίξον Τικ

Προβολή Τραγουδιού

Καλλιτέχνες: Βασίλης Τοπαλίδης, Χρήστος Ασφαλτίδης

Παίξον Τικ, παίξον Τικ,
παίξον Τικ σο γόνατον
Παίξον Τικ σο γόνατον
κλώσον α’ σο Τρομαχτόν

Εντάμα, εντάμα,
εντάμα χορεύομε
Εντάμα χορεύομε,
εμείς μασχαρεύομε

Ο Κάτσον, ο Κάτσον,
ο Κάτσον ο κλαριτζ̌ής
Ο Κάτσον ο κλαριτζ̌ής
όντες παίζ’ χορεύ’ η ψ̌η σ’

Σον αέρ-, σον αέρ-
σον αέραν πορπατώ
Σον αέραν πορπατώ,
ση γην άλλο ’κι πατώ

Τέρεν μα-, τέρεν μα-
τέρεν, μάνα μ’, το παπόρ’
ντ’ άσ̌κεμα κουνίεται
Το σαρίν τ’ αρνί μ’ απέσ’
φοούμαι φουρκίεται

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
απέσ’	μέσα
άσ̌κεμα	άσχημα
εντάμα	μαζί
κάτσον	(προστ.) κάθισε
’κι	δεν	οὐκί<οὐχί
κλώσον	(προστ.) γύρισε, στρέψε
κουνίεται	κουνιέται, λικνίζεται
μασχαρεύομε	αστειευόμαστε, διακωμωδούμε	maskara/masḫara
όντες	όταν
παίξον	(προστ.) παίξε
παπόρ’	βαπόρι, καράβι	vapore
πορπατώ	περπατάω
σαρίν	ξανθό, κίτρινο	sarı
τέρεν	(προστ.) κοίταξε
τρομαχτόν	ονομασία ποντιακού χορού
φοούμαι	φοβάμαι
φουρκίεται	πνίγεται
χορεύ’	χορεύω/ει
χορεύομε	χορεύουμε
ψ̌η	ψυχή