Προβολή Τραγουδιού
Τ’ απίδιν εσ̌λάεψα |
Τη ψ̌ης γαλήνεμανΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Βασίλης Τοπαλίδης, Χρήστος Ασφαλτίδης
Τ’ απίδιν εσ̌λάεψα [πουλί μ’] την κόρ’ ετασ̌λάεψα Κόρη, μη χολιάσ̌κεσαι [πουλί μ’] εγώ εμασχάρεψα ♫ Τ’ απίδιν εσ̌λάεψα [πουλί μ’] την κόρ’ ετασ̌λάεψα Κόρη, μη χολιάσ̌κεσαι [πουλί μ’] εγώ εμασχάρεψα Τ’ αραπάς ι-μ’ το τεκίρ’ [πουλί μ’] στρογγυλά κυλίεται Θεία μ’, η θαγατέρα σ’ [πουλί μ’] ση γούλα μ’ τυλίεται Τέρε, μάνα μ’, το παπόρ’ [πουλί μ’] ντ’ άσ̌κεμα κουνίεται Το σαρίν τ’ αρνί μ’ απέσ’ [πουλί μ’] φοούμαι φουρκίεται
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απέσ’ | μέσα | ||
| αραπάς | άμαξας | araba | |
| άσ̌κεμα | άσχημα | ||
| γούλα | λαιμός | gula | |
| εμασχάρεψα | αστειεύτηκα, διακωμώδησα | maskara/masḫara | |
| εσ̌λάεψα | μπόλιασα, εγκέντρισα δέντρο, μπάλωσα φθαρμένο ρούχο ή υπόδημα | aşılamak | |
| ετασ̌λάεψα | χτύπησα με πέτρες, πετροβόλησα | taşlamak | |
| θαγατέρα | κόρη, θυγατέρα | ||
| κουνίεται | κουνιέται, λικνίζεται | ||
| κυλίεται | κυλιέται | ||
| παπόρ’ | βαπόρι, καράβι | vapore | |
| σαρίν | ξανθό, κίτρινο | sarı | |
| τεκίρ’ | τροχός | teker | |
| τέρε | (προστ.) κοίταξε | ||
| τυλίεται | τυλίγεται | ||
| φοούμαι | φοβάμαι | ||
| φουρκίεται | πνίγεται | ||
| χολιάσ̌κεσαι | θυμώνεις, αγανακτάς |
