Προβολή Τραγουδιού
Κλάψον, πουλί μ’, την πατρίδα σ’ |
Γλυκύν έν’ αμαρτίανΣτιχουργοί: Βασίλης Μωυσιάδης
Συνθέτες: Μπάμπης Κεμανετζίδης
Καλλιτέχνες: Κλεάνθης Χαραλαμπίδης, Μπάμπης Κεμανετζίδης
Κλάψον, πουλί μ’, την πατρίδα σ’ κι έναν-έναν χωριστά Πόσα θάλασσας θα λύν’νταν με τα δα̤κρόπα τ’ εσά Η καρδία σ’ ματωμένον και ο νους ι-σ’ έν’ εκεί Πάντα θ’ αραεύ’ς πατρίδαν, πρόσφυγα, απάν’ ση γην Σε καημόν κι αροθυμίαν ’κ’ εγεννέθες για να ζεις και σ’ αούτ’ τον κόσμον ’κ’ έρθες εσύ μόνον να πονείς Η καρδία σ’ ματωμένον και ο νους ι-σ’ έν’ εκεί Πάντα θ’ αραεύ’ς πατρίδαν, πρόσφυγα, απάν’ ση γην ’Κ’ επορείς τσ̌ιζίν σε ούλι͜α να παίρτς το κοντύλ’ και σύρτς Τρώ͜ει ο πόνον την καρδία σ’ και το άδικον την ψ̌η σ’ Η καρδία σ’ ματωμένον και ο νους ι-σ’ έν’ εκεί Πάντα θ’ αραεύ’ς πατρίδαν, πρόσφυγα, απάν’ ση γην
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αούτ’ | αυτός/ή/ό/ά | ||
| απάν’ | πάνω | ||
| αραεύ’ς | ψάχνεις, αναζητάς, γυρεύεις | aramak | |
| αροθυμίαν | νοσταλγία | ||
| δα̤κρόπα | (υποκορ.) δάκρυα | ||
| εγεννέθες | γεννήθηκες | ||
| έν’ | είναι | ||
| επορείς | μπορείς | ||
| έρθες | ήρθες | ||
| εσά | δικά σου/σας | ||
| ’κ’ | δεν | οὐκί<οὐχί | |
| κλάψον | (προστ.) κλάψε | ||
| ούλι͜α | όλα | ||
| παίρτς | παίρνεις | ||
| σύρτς | σέρνεις, τραβάς, ρίχνεις | ||
| τσ̌ιζίν | γραμμή, αράδα | çizgi | |
| ψ̌η | ψυχή |
