Ποντιακός Στίχος

Προβολή Τραγουδιού

Κατεβάστε τους στίχους σε PDF

Ση ζωήν αν αγαπάς

Γλυκύν έν’ αμαρτίανΓλυκύν έν’ αμαρτίαν

Στιχουργοί: Βασίλης Μωυσιάδης

Συνθέτες: Μπάμπης Κεμανετζίδης

Καλλιτέχνες: Κλεάνθης Χαραλαμπίδης, Μπάμπης Κεμανετζίδης


Ση ζωήν αν αγαπάς
νέ ζυγιά͜εις και νέ μετράς
και αλισ̌βερίσ̌’ ’κι σ’κών’
έρ’ται η εγάπ’ ζαγκών’

Ατό έν’ ας σον Θεόν
και ευλοΐα έχ̌’ τρανόν
Δώρον παίρτς και δώρον δί’ς
και συμφέρον ’κι τερείς

Πολλοί πολεμούν ατο
και κατηγορούν ατο
Κι εθαρρούνε κάτ’ ευτάν’
προσ̌κυνούνε την παράν

Ατό έν’ ας σον Θεόν
και ευλοΐα έχ̌’ τρανόν
Δώρον παίρτς και δώρον δί’ς
και συμφέρον ’κι τερείς

Όλα έχ’νε τελεμονήν
σο τσ̌ετίν’κον τη ζωήν
Ανθρωπίας θα ευτάς,
σκλάβος είσαι τη παράς

Ατό έν’ ας σον Θεόν
και ευλοΐα έχ̌’ τρανόν
Δώρον παίρτς και δώρον δί’ς
και συμφέρον ’κι τερείς
Γλωσσάρι
ΚείμενοΕπεξήγησηΕτυμ. ΡίζαΠροέλευση
αλισ̌βερίσ̌’εμπόριο, συναλλαγή alışveriş
ανθρωπίας(ον. πληθ.,τα) ανθρωπιές, πράξεις ανθρωπιάς
δί’ςδίνεις
εγάπ’αγάπη
έν’είναι
έρ’ταιέρχεται
ευλοΐαευλογία
ευτάν’κάνουν, φτιάχνουν εὐθειάζω
ευτάςκάνεις, φτιάχνεις εὐθειάζω
έχ̌’έχει
έχ’νεέχουνε
ζαγκών’(για μεταλλικά σκεύη) σκουριάζει, μτφ. αδυνατίζει σωματικά, ισχναίνει
ζυγιά͜ειςζυγίζεις
’κιδεν οὐκί<οὐχί
νέούτε ne
παίρτςπαίρνεις
παράνλεφτά, το χρήμα para/pāre
σ’κών’σηκώνω/ει
τελεμονήντελειωμό
τερείςκοιτάς
τσ̌ετίν’κονσκληρό, δύσκολο çetin

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr