Ποντιακός Στίχος

Προβολή Τραγουδιού

Κατεβάστε τους στίχους σε PDF

Εσύ τ’ εμόν ασ’χώρετον

Γλυκύν έν’ αμαρτίανΓλυκύν έν’ αμαρτίαν

Στιχουργοί: Βασίλης Μωυσιάδης

Συνθέτες: Μπάμπης Κεμανετζίδης

Καλλιτέχνες: Κλεάνθης Χαραλαμπίδης, Μπάμπης Κεμανετζίδης


Εσύ τ’ εμόν ασ’χώρετον
με τ’ άψιμον επλάστες
Έκαψες και εφέκες με,
σ’ άλλο σεβντάν εχπάστες

Κάψον και δέβα ση ζωή σ’
όθεν ευρήκ’ς καρδίαν
Εσύ, πουλί μ’, το σεβνταλούκ’
εποίκες α’ δουλείαν

Και το τεφτέρ’ ντο κουβαλείς
με καρδι͜άς πονεμένα
Τ’ εμόν πα θέκον εκειαπέσ’,
πουλόπο μ’, σα καμένα

Κάψον και δέβα ση ζωή σ’
όθεν ευρήκ’ς καρδίαν
Εσύ, πουλί μ’, το σεβνταλούκ’
εποίκες α’ δουλείαν

Και τότε λάλ’ να μη ανασπάλτς
κι εγώ λογόν ’κ’ εβγάλλω
Έβγα κουρφεύτ’ ντο έκαψες
έναν καρδίαν κι άλλο

Κάψον και δέβα ση ζωή σ’
όθεν ευρήκ’ς καρδίαν
Εσύ, πουλί μ’, το σεβνταλούκ’
εποίκες α’ δουλείαν
Γλωσσάρι
ΚείμενοΕπεξήγησηΕτυμ. ΡίζαΠροέλευση
α’(ατό) αυτό, το
ανασπάλτςξεχνάς
ασ’χώρετονασυγχώρητο
άψιμονφωτιά
δέβα(προστ.) πήγαινε
δουλείανδουλειά
έβγα(προστ.) βγες
εβγάλλωβγάζω
εκειαπέσ’εκεί μέσα
εμόνδικός/ή/ό μου ἐμοῦ
επλάστεςπλάστηκες, δημιουργήθηκες, εμφανίστηκες
εποίκεςέκανες, έφτιαξες ποιέω-ῶ
ευρήκ’ςβρίσκεις
εφέκεςάφησες
εχπάστεςαναχώρησες, κίνησες για
θέκον(προστ.) θέσε, τοποθέτησε, βάλε
’κ’δεν οὐκί<οὐχί
Καμέναπεριοχή κοντά στην Παναγία Σουμελά
κάψον(προστ.) κάψε
κουρφεύτ’(προστ.) παινέψου, περηφανέψου
λάλ’(προστ.) βγάλε λαλιά, κάλεσε, αποκάλεσε, προσκάλεσε, οδήγησε
όθενόπου, οπουδήποτε, σε όποιον
παπάλι, επίσης, ακόμα
πουλόποπουλάκι
σεβνταλούκ’έρωτας sevdalık
σεβντάναγάπη, έρωτα sevda/sevdā
τεφτέρ’σημειωματάριο, τετράδιο defter/daftar<διφθέρα

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr