Ποντιακός Στίχος

Προβολή Τραγουδιού

Κατεβάστε τους στίχους σε PDF

Εγώ να μη ετράνυνα

Γλυκύν έν’ αμαρτίανΓλυκύν έν’ αμαρτίαν

Στιχουργοί: Βασίλης Μωυσιάδης

Συνθέτες: Μπάμπης Κεμανετζίδης

Καλλιτέχνες: Κλεάνθης Χαραλαμπίδης, Μπάμπης Κεμανετζίδης


Εθάρρ’να εκείνον τη χαράν
ους να γερώ θα έχ’ α’
Ετράνυνα και είδα ’το
σ’ άλλον κόσμον ευρέθα

Παιδίν να έμ’νε ση ζωήν,
εγώ να μη ετράνυνα
Κι αούτ’ τα χάλια τη κοσμί’
καμίαν να μη εζήν’να

Πατέρα, εσύ να μη ματώντς
τη παιδί’ σ’ την καρδίαν
Καμίαν ’κ’ εφανέρωσες
σ’ εμέν την αληθείαν

Παιδίν να έμ’νε ση ζωήν,
εγώ να μη ετράνυνα
Κι αούτ’ τα χάλια τη κοσμί’
καμίαν να μη εζήν’να

Πουθέν ’κ’ είδα παράδεισον,
ούλ’ με τον πόνον ζούνε
Ούτε αγγέλτς απάν’ ση γην,
πατέρα, να πετούνε

Παιδίν να έμ’νε ση ζωήν,
εγώ να μη ετράνυνα
Κι αούτ’ τα χάλια τη κοσμί’
καμίαν να μη εζήν’να

Αναμεσά σ’ ανθρώπ’ς που ζω
είναι και τα θερία
που πίν’νε τ’ αίμαν τ’ εφτωχού
και ’κ’ έχ’νε χορτασίαν

Παιδίν να έμ’νε ση ζωήν,
εγώ να μη ετράνυνα
Κι αούτ’ τα χάλια τη κοσμί’
καμίαν να μη εζήν’να
Γλωσσάρι
ΚείμενοΕπεξήγησηΕτυμ. ΡίζαΠροέλευση
α’(ατό) αυτό, το
αγγέλτςαγγέλους
αναμεσάανάμεσα
ανθρώπ’ςανθρώπους
αούτ’αυτός/ή/ό/ά
απάν’πάνω
γερώγερνάω
εζήν’ναζούσα
εθάρρ’ναθαρρούσα, πίστευα, νόμιζα
έμ’νεήμουν
ετράνυναμεγάλωσα, ανέθρεψα τρανόω-ῶ
ευρέθαβρέθηκα
έχ’νεέχουνε
θερίαθεριά, θηρία
’κ’δεν οὐκί<οὐχί
καμίανποτέ
κοσμί’κόσμου
ματώντςματώνεις
ούλ’όλοι
ουςως, μέχρι
παιδί’παιδιού
πίν’νεπίνουν
πουθένπουθενά
’τοαυτό, το (προσωπική αντωνυμία)
χορτασίανχόρταση

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr