Προβολή Τραγουδιού
Αχ! ευτάω για τ’ εσέναν |
Τραγούδια του Ευξείνου ΠόντουΣτιχουργοί: Χρύσανθος Θεοδωρίδης
Συνθέτες: Χρύσανθος Θεοδωρίδης
Καλλιτέχνες: Δημήτρης Καρασαββίδης, Μαρίνα Μιχαηλίδου, Μπάμπης Μαυρίδης
Αγγέλ’ να παραστέκ’νε σε, ο Χάρον ν’ αναμέν’ -τ- σε Όσον εχάρες μετ’ εμέν, εκείνο ν’ απομέν’ -τ- σε «Αχ!» ευτάγω για τ’ εσέναν το «βαχ!» έν’ μετ’ εμέναν Και για τ’ εσέν, πουλόπο μ’, πονεί -άι!- το καρδόπο μ’ Και για τ’ εσέν, πουλόπο μ’, εκάεν, εκάεν, εκάεν το καρδόπο μ’ Θα πάω σ’ έναν έρημον, τον Χάρον ν’ ανταμώνω Να λέγω τα τερτόπα μου την ψ̌η μ’ να ξελαφρώνω «Αχ!» ευτάγω για τ’ εσέναν το «βαχ!» έν’ μετ’ εμέναν Και για τ’ εσέν, πουλόπο μ’, πονεί -άι!- το καρδόπο μ’ Και για τ’ εσέν, πουλόπο μ’, εκάεν, εκάεν, εκάεν το καρδόπο μ’ Σην πόρτα σ’ βάλον καρακίδ’, σο παραθύρι σ’ σκάλαν Σην πόρτα σ’ δος με φίλεμαν, σο παραθύρ’ -τ- σ’ εγκάλιαν «Αχ!» ευτάγω για τ’ εσέναν το «βαχ!» έν’ μετ’ εμέναν Και για τ’ εσέν, πουλόπο μ’, πονεί -άι!- το καρδόπο μ’ Και για τ’ εσέν, πουλόπο μ’, εκάεν, εκάεν, εκάεν το καρδόπο μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αγγέλ’ | (ονομ. πληθ.) άγγελοι, (γεν.) αγγέλου | ||
| αναμέν’ | περιμένει | ||
| απομέν’ | απομένει | ||
| βάλον | (προστ.) βάλε | ||
| δος | δώσε | ||
| εγκάλιαν | (αιτ.) αγκαλιά | ||
| εκάεν | κάηκε | ||
| έν’ | είναι | ||
| ευτάγω | κάνω, φτιάχνω | εὐθειάζω | |
| εχάρες | χάρηκες | ||
| καρακίδ’ | μάνταλο πόρτας | ||
| καρδόπο | καρδούλα | ||
| μετ’ | μαζί με (με αιτιατική), με (τρόπος) | ||
| παραστέκ’νε | παραστέκουν, βοηθούν, στηρίζουν, περιποιούνται | ||
| πουλόπο | πουλάκι | ||
| τερτόπα | (υποκορ.) καημοί, βάσανα, στενοχώριες | dert | |
| φίλεμαν | φιλί | ||
| ψ̌η | ψυχή |
