Τη Ελλάδας τα καλά

Προβολή Τραγουδιού

Καλλιτέχνες: Λάμπης Αναστασιάδης, Σοφία Παπαδοπούλου

Έφυγαμ’ ας σην Ελλάδαν,
έρθαμε σον Καναδάν
Ήμπι͜αν πάμε ’κι θα ευρήκουμ’
τη Ελλάδας τα καλά

Σην Ελλάδαν ας επέγ̆’να
ας έτρωγα ξερόν ψωμίν
Τ’ οσπίτι θέλ’ δουλείαν
’κι ’πορεί ξάι πάλ’ ’α ζει

Τα καλά τη ξενιτείας,
σ’ ομμάτι͜α μ’ ’κι φαίν’ντανε
’Σ σα μωρά μ’ ντ’ εχωρίγα
ατό την ψ̌η μ’ έφαεν

Μη νουνίζετε πολλά,
ξαν θα κλώσκουστουν αδά
Και η ξενιτει͜ά βαρύν έν’
ας έχ̌’ όλι͜α τα καλά

Γλωσσάρι

Κείμενο	Επεξήγηση	Ετυμ. Ρίζα
’α	θα
αδά	εδώ
δουλείαν	δουλειά
έν’	είναι
επέγ̆’να	πήγαινα
έρθαμε	ήρθαμε
ευρήκουμ’	βρίσκουμε
έφαεν	έφαγε
έφυγαμ’	φύγαμε
έχ̌’	έχει
ήμπι͜αν	όπου	ἦν πη ἂν
’κι	δεν	οὐκί<οὐχί
κλώσκουστουν	γυρίζετε, επιστρέφετε
ξάι	καθόλου
ξαν	πάλι, ξανά
ομμάτι͜α	μάτια
οσπίτι	σπίτι	hospitium<hospes
πάλ’	πάλι, ξανά
πολλά	(επίθ.) πολλά, (επίρρ.) πολύ
’ς	(ας) από
φαίν’ντανε	φαίνονται
ψ̌η	ψυχή