Απόψ’ παρακαθεύομε

Προβολή Τραγουδιού

Καλλιτέχνες: Γιάννης Τσανασίδης, Στάθης Τσαϊρίδης

Απόψ’ παρακαθεύομε
με τοι φιλτς ι-μ’ εντάμαν
Όλ’ τραγωδούν και χ̌αίρουνταν,
εμέν ιεύ’ το κλάμαν

Παίζ’νε γλυκέα δάχτυλα,
έμορφα τοξαρέας 
Για τ’ εμέν ντο εγένουμ’νε
τ’ εγάπ’ς παραπονέας 

Ση κεμεντζ̌ές τα τέλια απάν’,
σ’ εγάπ’ς την τραγωδίαν
Τη κάκου γιάμ’ αραεύω
σεβντάς παρηγορίαν;

Έναν σ̌ισ̌έν ρακίν φέρ’τεν
τοι φίλτς ι-μ’ να κεράζω
Εείν’ ας λέγ’νε και γελούν
κι εγώ ν’ αναστενάζω

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
αραεύω	ψάχνω, αναζητώ, γυρεύω	aramak
γιάμ’	μήπως, ή μη	ya/yā + μη
γλυκέα	(επιρρ.) γλυκά
εγάπ’ς	αγάπης
εγένουμ’νε	έγινα
έμορφα	όμορφα
εντάμαν	μαζί
ιεύ’	ταιριάζει	uymak
κεμεντζ̌ές	λύρας	kemençe/kemānçe
λέγ’νε	λένε
όλ’	όλοι/α
παρακαθεύομε	κάνουμε νυχτέρι
παρηγορίαν	παρηγοριά
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σεβντάς	αγάπης, έρωτα	sevda/sevdā
σ̌ισ̌έν	μπουκάλι	şişe/şīşe
τέλια	σύρματα, χορδές μουσικού οργάνου	tel
τοι	τους/τις
τοξαρέας	δοξαριές
τραγωδίαν	τραγούδι
τραγωδούν	τραγουδάνε
φέρ’τεν	(προστ.) φέρτε
φίλτς	φίλους
χ̌αίρουνταν	χαίρονται