Προβολή Τραγουδιού
Τ’ ομματόπα σ’ κοκκύμελα |
Τ’ ομματόπα σ’ κοκκύμελαΣτιχουργοί: Ελευθέριος Τακματζίδης
Συνθέτες: Νίκος Σαββίδης
Καλλιτέχνες: Μιχάλης Τακματζίδης, Ραφαήλ Αλεξανδρίδης
Τ’ ομματόπα σ’ κοκκύμελα, γαϊτάνια τιζεμένα Σ’ ατά γουρπάν’ να ’ίνουμαι, αστρόπα μαεμένα Όσα λέγ’νε τ’ ομματόπα μ’ αρ’ όντες αγαπούνε, μόνον καρδόπα αλάρωτα επορούν να εγροικούνε Πουλόπο μ’, τ’ ομματόπα σου ’κι θέλω να δακρύζ’νε Σ’ ατά τ’ ομμάτι͜α τ’ έμορφα, ιεύ’ να τσ̌αρτιλίζ’νε Όσα λέγ’νε τ’ ομματόπα μ’ αρ’ όντες αγαπούνε, μόνον καρδόπα αλάρωτα επορούν να εγροικούνε Άλλα ομμάτι͜α ν’ αγαπώ, ογράσ̌εψα, τρυγόνι μ’ Χωρίς τ’ εσόν το τέρεμαν, θαρρώ χάνω το φως ι-μ’ Όσα λέγ’νε τ’ ομματόπα μ’ αρ’ όντες αγαπούνε, μόνον καρδόπα αλάρωτα επορούν να εγροικούνε
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αστρόπα | αστεράκια | ||
| ατά | αυτά | ||
| γαϊτάνια | έντεχνα πλεγμένα κορδόνια με τρεις μεταξωτές κλωστές (κοτσίδα) ή τέσσερεις (τεχρίλι), ή και μάλλινο ή βαμβακερό, που στόλιζε τα ρούχα στο κάτω μέρος των μανικιών και στον ποδόγυρο μτφ. όμορφα και λεπτά/καλαίσθητα | gaitanum<Caieta/Gaeta< αρχαία ελληνική Καιήτη (αντιδάνειο) | |
| γουρπάν’ | θυσία | kurban/ḳurbān | |
| δακρύζ’νε | δακρύζουν | ||
| εγροικούνε | καταλαβαίνουν | ||
| έμορφα | όμορφα | ||
| επορούν | μπορούν | ||
| εσόν | δικός/ή/ό σου | ||
| ιεύ’ | ταιριάζει | uymak | |
| ’ίνουμαι | γίνομαι | ||
| καρδόπα | καρδούλες | ||
| ’κι | δεν | οὐκί<οὐχί | |
| λέγ’νε | λένε | ||
| ογράσ̌εψα | (αμτβ) πάσχισα, πάλεψα | uğraşmak | |
| ομμάτι͜α | μάτια | ||
| ομματόπα | ματάκια | ||
| όντες | όταν | ||
| όσα | όσες φορές | ||
| πουλόπο | πουλάκι | ||
| τέρεμαν | βλέμμα, κοίταγμα, μτφ. φροντίδα | ||
| τιζεμένα | αραδιασμένα, βαλμένα στη σειρά | dizmek | |
| τρυγόνι | το πουλί τρυγόνι, χαϊδευτική προσφώνηση γυναίκας | ||
| τσ̌αρτιλίζ’νε | λάμπουν, λαμποκοπούν |
