Το Πολυδένδρι του Ασκού

Προβολή Τραγουδιού

Καλλιτέχνες: Νίκος Σαββίδης, Σταύρος Κουρουκλίδης, Στέλιος Σαββουλίδης, Χάρον Γεωργιάδης

expand_content

Ας σην Ορτού σ’ Ατά-Παζάρ,
άι! το μιλέτ φερμένον
Το Πολυδένδρι έχτισαμ’
και το ευλογημένον

Ε, Πολυδένδρι του Ασκού,
πολλά αροθυμώ σε!
Όσον την μάνα μ’ αγαπώ
εσέν πα αγαπώ σε

Τ’ οσπίτι͜α σ’ άσπρα πρόβατα,
που βόσκουν σο ραχ̌όπο σ’
Ζωγραφισμένον φαίνεται
απο μακρά ο τόπο σ’

Χωρίο μ’, να λελεύω σε,
πάντα αροθυμώ σε!
Όσον την μάνα μ’ αγαπώ
εσέν πα αγαπώ σε

Πολυδένδρι αθάνατο!
Εχ! Νικόλα Κουρουκλίδη!

Τσ̌ιτσ̌έκια και κρύα νερά
και τα ραχ̌ία σ’ κάστρα
Εσύ είσαι κι άλλο σουμά
σον φέγγον και σα άστρα

Χωρίο μ’, να λελεύω σε,
πάντα αροθυμώ σε!
Όσον την μάνα μ’ αγαπώ
εσέν πα αγαπώ σε

Οι συλλόγοι καλά κρατούν,
ο «Φάρον» κι η ομάδα
Είσαι κι εσύ κι άλλ’ έμορφον,
χωρίο μ’, σην Ελλάδαν

Ε, Πολυδένδρι του Ασκού,
πολλά αροθυμώ σε!
Όσον την μάνα μ’ αγαπώ
εσέν πα αγαπώ σε

Και τα παιδία σ’ άξια,
τραγωδι͜άν’, λυριτζ̌ήδες
Σα μουχαπέτα̤ ντο ευτάν’,
γλεντούν οι μερακλήδες

Χωρίο μ’, να λελεύω σε,
πάντα αροθυμώ σε!
Όσον την μάνα μ’ αγαπώ
εσέν πα αγαπώ σε

Γλωσσάρι

Κείμενο	Επεξήγηση	Ετυμ. Ρίζα
αροθυμώ	νοσταλγώ
ατά	αυτά
βόσκουν	βοσκάνε
έμορφον	όμορφο
ευτάν’	κάνουν, φτιάχνουν	εὐθειάζω
λελεύω	χαίρομαι
μακρά	(επιρρ.) μακριά, (επιθ.) μακρινά, απομακρυσμένα
μουχαπέτα̤	κουβέντες, φιλικές συνομιλίες, συνεκδ. φιλικές συνεστιάσεις (συνήθως μετά μουσικής)	muhabbet/maḥabbet
οσπίτι͜α	σπίτια	hospitium<hospes
πα	πάλι, επίσης, ακόμα
παιδία	παιδιά
πολλά	(επίθ.) πολλά, (επίρρ.) πολύ
ραχ̌ία	ράχες, βουνά
σουμά	κοντά
τραγωδι͜άν’	τραγουδιστές
τσ̌ιτσ̌έκια	λουλούδια	çiçek
φέγγον	φεγγάρι