Τσιτσεκόπον σην αύλια μου

Προβολή Τραγουδιού

Καλλιτέχνες: Γιάννης Γαβριηλίδης, Δαμιανός Ακριτίδης

Τσ̌ιτσ̌εκόπον σην αύλι͜α μου,
ζινίχ̌’ σο τσ̌εβιρόπο μ’,
μετ’ εσέν τονατεύκεται
και εμορφύν’ ο τόπον

Τραντάφυλλον τα χ̌ειλόπα σ’,
σαρία τα μαλλία σ’
Γουρπάν’ ση χρά σ’ να ’ίνουμαι
και σην πορπατεσία σ’

Και δαχτυλίδ’ σο χ̌ερόπο μ’,
εγκόλπιον ση γούλα μ’
Με έναν φίλεμαν τ’ εσόν
νεσβίεται η βρούλα μ’

Όθεν περάντς και πορπατείς,
τα ιχνάρα̤ σ’ να λελεύω
Κι όλια τα σκουντουλέματα σ’,
σο ψ̌όπο μ’ να σερεύω

Γλωσσάρι

Κείμενο	Επεξήγηση	Ετυμ. Ρίζα
αύλι͜α	αυλή
βρούλα	φλόγα	brûler
γούλα	λαιμός	gula
γουρπάν’	θυσία	kurban/ḳurbān
εμορφύν’	ομορφαίνω/ει
εσόν	δικός/ή/ό σου
ζινίχ̌’	κόσμημα, στολίδι	ziynet/zīnet
’ίνουμαι	γίνομαι
ιχνάρα̤	χνάρια, ίχνη
λελεύω	χαίρομαι
μετ’	μαζί με (με αιτιατική), με (τρόπος)
νεσβίεται	σβήνει
όθεν	όπου, οπουδήποτε, σε όποιον
όλια	όλα
πορπατείς	περπατάς
πορπατεσία	περπατησιά, περπάτημα
σαρία	ξανθά, κίτρινα	sarı
σερεύω	μαζεύω, συγκεντρώνω	σωρεύω
σκουντουλέματα	ευωδίες, μοσχοβολιές
τραντάφυλλον	τριαντάφυλλο
τσ̌ιτσ̌εκόπον	λουλουδάκι	çiçek
φίλεμαν	φιλί
χ̌ειλόπα	χειλάκια
χ̌ερόπο	χεράκι
χρά	χροιά, το χρώμα του δέρματος
ψ̌όπο	ψυχούλα