Προβολή Τραγουδιού
Ο Χάμπον ας σο Βατούμ |
Ο Χάμπον ας σο ΒατούμΣτιχουργοί: Βασίλης Μωυσιάδης
Συνθέτες: Νίκος Σαββίδης
Καλλιτέχνες: Δαμιανός Ακριτίδης, Σταύρος Σαββίδης
Εσύ έρθες ας σο Βατούμ, τη Άσκοβας τα μέρι͜α Ντο έσυρες, νε άχαρε, ένας Θεός εξέρ’ α̤’ Πρόσφυγας και Τραντέλλενας, άμον Θεού πουλόπον που ζει ψεύτικον όρωμαν ση πατρίδας τον τόπον Όραμαν είχ̌ες α’ σο νουν, σην ψ̌ην τρανόν ελπίδαν Νά ’ρχ̌εσαι σον «παράδεισον», σον τόπο σ’, σην πατρίδαν Πρόσφυγας και Τραντέλλενας, άμον Θεού πουλόπον που ζει ψεύτικον όρωμαν ση πατρίδας τον τόπον Όλι͜α το πόνι͜α τη ζωής, αδά κι ακεί εγνώρτσες κι αβούτ’ τα στράτας τη κοσμί’ με δα̤κρόπα επότ’σες κι όλι͜α τα στράτας τη κοσμί’ με δα̤κρόπα επότ’σες Πρόσφυγας και Τραντέλλενας, άμον Θεού πουλόπον που ζει ψεύτικον όρωμαν ση πατρίδας τον τόπον Έζησες χρόνι͜α προσφυγιάς, τυρα̤ννισμένα χρόνι͜α Καμίαν κα’ ’κ’ εσέγκες α’, Χάμπο, με ατόσα πόνι͜α Πρόσφυγας και Τραντέλλενας, άμον Θεού πουλόπον που ζει ψεύτικον όρωμαν, ση πατρίδας τον τόπον
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| α’ | (ατό) αυτό, το | ||
| α̤’ | (α̤τό) αυτό, το | ||
| αβούτ’ | αυτό/ή, αυτοί/ές/ά | ||
| αδά | εδώ | ||
| ακεί | εκεί | ||
| άμον | σαν, όπως, καθώς | ἅμα | |
| δα̤κρόπα | (υποκορ.) δάκρυα | ||
| εγνώρτσες | γνώρισες | ||
| εξέρ’ | ξέρω/ει, γνωρίζω/ει | ||
| επότ’σες | πότισες | ||
| έρθες | ήρθες | ||
| εσέγκες | έβαλες, εισήγαγες | ||
| έσυρες | έσυρες, τράβηξες, έριξες | ||
| ’κ’ | δεν | οὐκί<οὐχί | |
| κα’ | κάτω | ||
| καμίαν | ποτέ | ||
| κοσμί’ | κόσμου | ||
| μέρι͜α | μέρη | ||
| όραμαν | όνειρο | ||
| όρωμαν | όνειρο | ||
| πόνι͜α | πόνοι | ||
| πουλόπον | πουλάκι | ||
| στράτας | (ονομ.) δρόμοι, (αιτ.) δρόμους | ||
| Τραντέλλενας | ο τριάντα φορές Έλληνας | ||
| ψ̌ην | ψυχή |
