Τας̌ και Τους̌

Προβολή Τραγουδιού

Καλλιτέχνες: Γιώργος Ατματσίδης, Σταύρος Ιωαννίδης, Σταύρος Σαββίδης

Λυριτζ̌ή, παίξον το Τας
σο χορόν ευτάνε πάσ̌’
Δύο-δύο τα κορτσόπα
άμον πετεμί’ καντζόπα

Έλα έμπα σο χορόν,
Τας και Τους̌ ούς να μερών’⇋

Λυριτσ̌ή, γαβούρεψον
θα χορεύ’ τ’ αρνίν τ’ εμόν
Τ’ ομματόπα ’θε μαβία,
γουρπάν’ σ’ ατεινές τα ψ̌ήα

Έλα έμπα σο χορόν,
Τας και Τους̌ ούς να μερών’⇋

Τας χορεύ’νε π’ αγαπούν
και κρυφά-κρυφά τερούν
Με το Τας οι σεβνταλήδες
θα χωρίζ’νε νισ̌αλήδες

Έλα έμπα σο χορόν,
Τας και Τους̌ ούς να μερών’⇋

Το τοξάρ’ απάν’ σο τέλ’
ζάχαρην εβγάλ’ και μέλ’
Τας χορεύ’νε και ζαντύν’νε
τα τσ̌εχέλκα παλαλύν’νε

Έλα έμπα σο χορόν,
Τας και Τους̌ ούς να μερών’⇋

Έλα έμπα σο χορόν,
Τας και Τους̌ ούς να μερών’⇋

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απάν’	πάνω
ατεινές	αυτηνής
γαβούρεψον	(προστ.) ξερόψησε, (προστ.) καβούρδισε, (προστ.) τηγάνισε, ως προτροπή σε οργανοπαίκτη να συνεχίσει να παίζει με το ίδιο πάθος	kavurmak
γουρπάν’	θυσία	kurban/ḳurbān
εβγάλ’	βγάλει
εμόν	δικός/ή/ό μου	ἐμοῦ
έμπα	(προστ.) μπες
ευτάνε	κάνουν, φτιάχνουν	εὐθειάζω
ζαντύν’νε	τρελαίνονται	σάννας
’θε	του/της
καντζόπα	καρποί
κορτσόπα	κοριτσάκια
μέλ’	μέλι
μερών’	μερώνει, ξημερώνει
νισ̌αλήδες	αρραβωνιασμένοι	nişanlı<nişān
ομματόπα	ματάκια
παίξον	(προστ.) παίξε
πάσ̌’	(εν συνθέσει με το ρήμα ευτάω) τα βγάζω πέρα	baş etmek
πετεμί’	αμυγδάλου	badem/bādām
σεβνταλήδες	ερωτοχτυπημένοι, ερωτευμένοι	sevdalı
Τας	ονομασία αντικρυστού ποντιακού χορού
τέλ’	σύρμα, χορδή μουσικού οργάνου	tel
τερούν	κοιτούν
τοξάρ’	δοξάρι
τσ̌εχέλκα	άπειρα, ανώριμα, άβγαλτα	cehil/cehl
χορεύ’	χορεύω/ει
χορεύ’νε	χορεύουν
χωρίζ’νε	χωρίζουν, ξεδιαλέγουν
ψ̌ήα	ψυχές, η περιοχή του στέρνου, τα εσώψυχα