Προβολή Τραγουδιού
Τ’ Ατματσ̌ά το τρομαχτόν |
Σο μεϊτάν’ τα λύρας παίζ’νεΣτιχουργοί: Νάκος Ευσταθιάδης
Συνθέτες: Γιώργος Ατματσίδης
Καλλιτέχνες: Γιώργος Ατματσίδης, Σταύρος Σαββίδης
Με τη λύραν σο δεξ̌έν, τοξαρόπον σο ζεβρέν κι όντες παίζ’ το τρομαχτόν ο χορός ους να μερών’⇋ Ένας έν’ ο Ατματσ̌άς, λυριτσ̌ής έν’ και γιοσμάς Παίζ’ τη λύραν τραγωδούν και χωρίς ρακίν μεθούν⇋ Ποίος έστεσεν χορόν και το τόζ’ σον ουρανόν; Με τον Ατματσ̌άν πετούν και την γην καταπατούν⇋ Ένας έν’ ο Ατματσ̌άς, λυριτσ̌ής έν’ και γιοσμάς Παίζ’ τη λύραν τραγωδούν και χωρίς ρακίν μεθούν⇋ Τρομαχτόν που θα χορεύ’ π’ αγαπά ’τον γιανασ̌εύ’ κι ας ση Ατματσ̌ά το τέλ’ ζάχαρην στάζ’ και το μέλ’⇋ Ένας έν’ ο Ατματσ̌άς, λυριτσ̌ής έν’ και γιοσμάς Παίζ’ τη λύραν τραγωδούν και χωρίς ρακίν μεθούν⇋
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ατματσ̌ά | γερακιού | atmaça | |
| ατματσ̌άς | γεράκι | atmaca | |
| γιανασ̌εύ’ | πλησιάζω/ει, πλευρίζει | yanaşmak | |
| γιοσμάς | κομψός, λεβέντης νέος | yosma | |
| δεξ̌έν | δεξί | ||
| έν’ | είναι | ||
| έστεσεν | έστησε | ||
| ζεβρέν | αριστερό | ||
| μέλ’ | μέλι | ||
| μερών’ | μερώνει, ξημερώνει | ||
| όντες | όταν | ||
| ους | ως, μέχρι | ||
| παίζ’ | παίζω/παίζει | ||
| ποίος | (ερωτημ.) ποιός, (αναφ.αντων.) όποιος | ||
| ρακίν | αλκοολούχο ποτό που παράγεται από τη ζύμωση φρούτων ή στεμφύλων φρούτων | rakı/ˁaraḳī | |
| τέλ’ | σύρμα, χορδή μουσικού οργάνου | tel | |
| τόζ’ | σκόνη | toz | |
| ’τον | αυτόν | ||
| τραγωδούν | τραγουδάνε | ||
| τρομαχτόν | ονομασία ποντιακού χορού | ||
| χορεύ’ | χορεύω/ει |
