Σα φυλλοκάρδοπα μ’ μερών’

Προβολή Τραγουδιού

expand_content

Έρθεν, μανίκα μ’, σο κιντίν
απάν’ σ’ ακρολιθάρα̤
Έμορφος και παντέμορφος
εδώκεν με τα θάρρα̤

Είπεν με «μίαν η εγάπ’
ας σα τέρτα̤ φορτούται
Κι αν κάποτε θα γράσ̌κεται
καμίαν ’κι λαρούται»

Άμαν εμέν ’κι πετσ̌αρεύ’
τση καμονής η στράτα
Σα φυλλοκάρδοπα μ’ μερών’,
αέτσ’ παίρω μουράτα̤

Κι αν έρ’ται οράστι͜α κι ερωτά
για τίναν αναμένει
Μενέστ’ α̤τεν σο σεβνταλούκ’
άλλο να μη εμπαίνει

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
άμαν	αλλά	ama/ammā
απάν’	πάνω
α̤τεν	αυτήν
γράσ̌κεται	φθείρεται, λιώνει	γραίνω (=ροκανίζω, κατατρώγω)
εγάπ’	αγάπη
εδώκεν	έδωσε
έμορφος	όμορφος/η
έρθεν	ήρθε
έρ’ται	έρχεται
ερωτά	ρωτάει
θάρρα̤	ελπίδες
καμίαν	ποτέ
καμονής	καημού
’κι	δεν	οὐκί<οὐχί
κιντίν	απόγευμα, δείλι	ikindi
λαρούται	γιατρεύεται, θεραπεύεται
μανίκα	μανούλα
μενέστ’	(προστ.) ειδοποιήστε, στείλετε μήνυμα, πληροφορήστε, παραγγείλετε	μηνύω
μερών’	μερώνει, ξημερώνει
μίαν	μια φορά
μουράτα̤	επιθυμίες, πόθοι	murat/murād
οράστι͜α	τυχαία, συμπτωματικά	rast/rāst
παίρω	παίρνω
παντέμορφος	πανέμορφη
πετσ̌αρεύ’	καταφέρνω/ει, αντιμετωπίζω/ει, τα βγάζω/ει πέρα	becermek
σεβνταλούκ’	έρωτας	sevdalık
τέρτα̤	καημοί, βάσανα, στενοχώριες	dert
τίναν	ποιον/α
τση	της
φορτούται	φορτώνεται
φυλλοκάρδοπα	τα φύλλα της καρδιάς