Πουλί μ’, πέ͜ει με τίναν θέλτς

Μίαν θέλτς, μίαν ’κι θέλτς,
τ’ αχούλι μ’ θα σύρτς και παίρτς
Ας σην εγάπ’ ’κ’ εγροικάς,
άφ’ς, πουλί μ’, τα παλαλά σ’

Γιά το «ναι» γιά το «γιοκ» πέει
και μη παί͜εις με «κουπεπέ»
Μετ’ ατό το «κουπεπέ»
το αίμα μ’ έγκες σην τεπέ μ’

Μίαν λες με «θέλω σε»
κι επεκεί «’κι θέλω σε»
Μίαν λες με «παίρω σε»
κι επεκεί «’κι παίρω σε»

Γιά το «ναι» γιά το «γιοκ» πέει
και μη παί͜εις με «κουπεπέ»
Μετ’ ατό το «κουπεπέ»
το αίμα μ’ έγκες σην τεπέ μ’

Γουρπάν’ να λελεύ’ ατεν,
πολλά αγαπώ ατεν!
Πάω να φιλώ ατεν
εθαρρεί θα τρώ’ ατεν

Γιά το «ναι» γιά το «γιοκ» πέει
και μη παί͜εις με «κουπεπέ»
Μετ’ ατό το «κουπεπέ»
το αίμα μ’ έγκες σην τεπέ μ’

Για τοπλάεψον το νου σ’
και μη τερείς τ’ αλλουνούς
Θα κλώσκουνταν τα καιρούς
και θ’ απομέντς ση κυρού σ’

Γιά το «ναι» γιά το «γιοκ» πέει
και μη παί͜εις με «κουπεπέ»
Μετ’ ατό το «κουπεπέ»
το αίμα μ’ έγκες σην τεπέ μ’