Αΐκον όραμαν

Προβολή Τραγουδιού

Καλλιτέχνες: Γιώργος Ατματσίδης, Χρήστος Χολίδης

Σ’ όραμα μ’ είδα σε -ν,
πουλί μ’, εφίλ’να σε
Σ’ όραμα μ’ είδα σε -ν- απόψ’
πουλί μ’, εφίλ’να σε

Σ’ άσπρα φορεμέντσα
έσ’νε όλον χαράν
Σ’ άσπρα φορεμέντσα
Απόψ’, πουλί μ’, επέτανες,
εγέλανες, έσ’νε όλον χαράν

Είδα, πουλί μ’, ετέρ’νες με
παραπονεμένα
Είδα τ’ ομμάτι͜α σ’ τ’ έμορφα
ολίγον δακρωμένα
Είδα τα πόια σ’ τ’ έμορφα
τσ̌ιτσ̌έκια στολισμένα
Άμον σ̌ασ̌ιρεμένον
ετέρ’νες, ετέρ’νες

Αΐκον όραμαν, αΐκον όραμαν
Αΐκον όραμαν, αΐκον όραμαν
Αΐκον όραμαν π’ ελέπ’ καμίαν,
καμίαν, καμίαν μη μερών’
Αΐκον όραμαν π’ ελέπ’, καμίαν
καμίαν μη μερών’

Είδα εφόριζαν, εσέν εστόλιζαν
Είδα εστόλιζαν, πουλί μ’,
εσέν εφόριζαν
Νύφη καμαρωμέντσα
επέγ̆’νες εμπροστά
Νυφούλα φορεμέντσα
Σην εκκλησίαν εσέβα
να παίρω σε, ενοίγαν τ’ ομμάτι͜α μ’

Γιατί να έρχεται αέτσ’
και να εγνεφίζω;
Γιατί πάντα σα ψέματα
την χαράν να γνωρίζω;
Ό,τι να ’φτάγω χάν’ντανε
καμίαν ’κι κερδίζω
’Κ’ επόρεσα καμίαν
να χτίζω, να χτίζω

Αΐκον όραμαν, αΐκον όραμαν
Αΐκον όραμαν, αΐκον όραμαν
Αΐκον όραμαν π’ ελέπ’, καμίαν,
καμίαν, καμίαν μη μερών’
Αΐκον όραμαν π’ ελέπ’, καμίαν,
καμίαν μη μερών’

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
αΐκον	τέτοιο/α
άμον	σαν, όπως, καθώς	ἅμα
δακρωμένα	δακρυσμένα
εγέλανες	γελούσες
εγνεφίζω	ξυπνώ
ελέπ’	βλέπει/βλέπω
έμορφα	όμορφα
εμπροστά	μπροστά, πρωτύτερα
ενοίγαν	ανοίχθηκαν
επέτανες	πετούσες
επόρεσα	μπόρεσα
εσέβα	μπήκα
έσ’νε	ήσουν
ετέρ’νες	κοιτούσες
εφίλ’να	φιλούσα
’κ’	δεν	οὐκί<οὐχί
καμαρωμέντσα	καλυμμένη με το νυφικό πέπλο
καμίαν	ποτέ
’κι	δεν	οὐκί<οὐχί
μερών’	μερώνει, ξημερώνει
ολίγον	λίγο
ομμάτι͜α	μάτια
όραμαν	όνειρο
παίρω	παίρνω
πόια	ύψη	boy
σ̌ασ̌ιρεμένον	σαστισμένο, που τα έχει χαμένα	şaşırmak
τσ̌ιτσ̌έκια	λουλούδια	çiçek
φορεμέντσα	φορεμένη
’φτάγω	(ευτάγω) κάνω, φτιάχνω	εὐθειάζω
χάν’ντανε	χάνονται, διώχνονται