Ποίον ραχ̌ίν κρατεί βρεχ̌ήν

Ποίον ραχ̌ίν κρατεί βρεχ̌ήν;
[πουλί μ’, πουλί μ’]
Ποίον κλαδόπον χ̌ι͜όνι͜α;
[Ούι! ν’ αϊλί και βάι ξαν εμέν]
Ποίον κορίτσ’ κρατεί σεβντάν
[πουλί μ’, πουλί μ’]
τέσσερα-πέντε χρόνι͜α;
[Ούι! ν’ αϊλί και βάι ξαν εμέν]

Εξέρανες τα γόνατα μ’,
[πουλί μ’, πουλί μ’]
έκαψες την καρδία μ’
[Ούι! ν’ αϊλί και βάι ξαν εμέν]
Εμάτσες με το σεβνταλούκ’
[πουλί μ’, πουλί μ’]
να έ͜εις την αμαρτία μ’
[Ούι! ν’ αϊλί και βάι ξαν εμέν/
Φύγον κι έλα, πουλί μ’, μετ’ εμέν]

Σον ουρανόν χρωστώ την ψ̌η μ’,
[πουλί μ’, πουλί μ’]
σον Άδην το κορμόπο μ’
[Ούι! ν’ αϊλί και βάι ξαν εμέν]
Σ’ εσέν, κορτσόπον, ντό χρωστώ
[πουλί μ’, πουλί μ’]
και τυρα̤ννί͜εις το ψ̌όπο μ’
[Φύγον κι έλα, πουλί μ’, μετ’ εμέν]