Προβολή Τραγουδιού
Να ’ζήν’ναν τα γονι͜ακά μ’ |
Ο αποξενωμένονΣτιχουργοί: Γιώργος Αρμαντινός
Συνθέτες: Γιώργος Αρμαντινός
Καλλιτέχνες: Γιώργος Αρμαντινός, Τάκης Ιωαννίδης
Ατώρα ’θέλ’να να ’ζήν’ναν ο κύρη μ’ και η μάνα μ’ Ν’ ακούνε τα παράπονα μ’ να κλαίμ’ κι οι τρί’ αντάμαν Χριστέ μ’, ευτάω τάμαν ποίσον ατό το θάμαν Τον κύρη μ’ και τη μάνα μ’ φέρεν κι ας κλαίμ’ αντάμαν Αχ! να ’ζήν’ναν τα γονι͜ακά μ’ να ’χα παρηγορίαν Σα δύσκολα τα ώρας ι-μ’ κι απέσ’ σην εξορία μ’ Χριστέ μ’, ευτάω τάμαν ποίσον ατό το θάμαν Τον κύρη μ’ και τη μάνα μ’ φέρεν κι ας κλαίμ’ αντάμαν Ατώρα ’θέλ’να να ’ζήν’ναν ο κύρη μ’ και η μάνα μ’ Να ελέπ’νε συγγενούς, εχθρούς να κλαίμ’ κι οι τρί’ αντάμαν Χριστέ μ’ ευτάω τάμαν ποίσον ατό το θάμαν [Ωχ!] Τον κύρη μ’ και τη μάνα μ’ φέρεν κι ας κλαίμ’ αντάμαν Αχ! να ’ζήν’ναν τα γονι͜ακά μ’ να ’χα παρηγορίαν Σα δύσκολα τα ώρας ι-μ’ κι απέσ’ σην εξορία μ’ Χριστέ μ’, ευτάω τάμαν ποίσον ατό το θάμαν Τον κύρη μ’ και τη μάνα μ’ φέρεν κι ας κλαίμ’ αντάμαν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αντάμαν | μαζί | ||
| απέσ’ | μέσα | ||
| ατώρα | τώρα | ||
| γονι͜ακά | γονείς | ||
| ελέπ’νε | βλέπουνε | ||
| ευτάω | κάνω, φτιάχνω | εὐθειάζω | |
| ’ζήν’ναν | ζούσαν | ||
| θάμαν | θαύμα | ||
| ’θέλ’να | (εθέλ’να) ήθελα | ||
| παρηγορίαν | παρηγοριά | ||
| ποίσον | (προστ.) κάνε, φτιάξε | ποιέω, ποιῶ | |
| συγγενούς | συγγενείς | ||
| τρί’ | τρεις | ||
| φέρεν | (προστ.) φέρε | ||
| ώρας | ώρες |
