Προβολή Τραγουδιού
Όταν φεύ’νε ο κύρ’ κι η μάνα |
Ο αποξενωμένονΣτιχουργοί: Γιώργος Αρμαντινός
Συνθέτες: Γιώργος Αρμαντινός
Καλλιτέχνες: Γιώργος Αρμαντινός, Τάκης Ιωαννίδης
Όταν φεύ’νε ο κύρ’ κι η μάνα κι απομέν’νε τα παιδία λες και ξεριζούται δέντρον και τσακούνταν τα κλαδία Αποξενωμένα ζούνε χάται η αδελφοσύν’ ’Κ’ είναι όπως έταν πριν όλι͜α άμον έναν ψ̌ην Λες και ’κ’ είν’ ας σ’ έναν μάναν, λες και ’κ’ είν’ ας σ’ έναν κύρ’ Που η μάνα έτον η καμπάνα και ο κύρ’ το μοναστήρ’ και -ν- άλλ’ έναν τα παιδία όλι͜α είχανε χατίρ’ Όταν φεύ’νε ο κύρ’ κι η μάνα κι απομέν’νε τα παιδία Αποφεύ’ ο εις τον άλλον κι ’ίν’ντανε αδέλφι͜α κρύα Κι αν σο μέσον μπαίν’ συμφέρον μπαίν’ απέσ’ και εχθροσύν’ ’Κ’ είναι όπως έταν πριν όλι͜α άμον έναν ψ̌ην Λες και ’κ’ είν’ ας σ’ έναν μάναν, λες και ’κ’ είν’ ας σ’ έναν κύρ’ Που η μάνα έτον η καμπάνα και ο κύρ’ το μοναστήρ’ και -ν- άλλ’ έναν τα παιδία όλι͜α είχανε χατίρ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| απέσ’ | μέσα | ||
| απομέν’νε | απομένουν | ||
| ας σ’ | (ας σου) από του, από τότε που/αφότου, (ας σο) από το/τα | ||
| είν’ | (για πληθ.) είναι | ||
| έταν | ήταν | ||
| έτον | ήταν | ||
| ’ίν’ντανε | γίνονται | ||
| ’κ’ | δεν | οὐκί<οὐχί | |
| κύρ’ | πατέρα | ||
| ξεριζούται | ξεριζώνεται | ||
| παιδία | παιδιά | ||
| τσακούνταν | σπάνε | ||
| φεύ’νε | φεύγουν | ||
| χάται | χάνεται | ||
| χατίρ’ | χάρη, σεβασμός, υπόληψη | hatır/ḫāṭir | |
| ψ̌ην | ψυχή |
