Ποντιακός Στίχος

Προβολή Τραγουδιού

Κατεβάστε τους στίχους σε PDF

Κοκκινόμηλα χ̌ειλόπα

Ο αποξενωμένονΟ αποξενωμένον

Στιχουργοί: Γιώργος Αρμαντινός

Συνθέτες: Γιώργος Αρμαντινός

Καλλιτέχνες: Γιώργος Αρμαντινός, Τάκης Ιωαννίδης


Κοκκινόμηλα χ̌ειλόπα
μαύρα ελαίας τα ματόπα
Έχω έναν καημόν
ναι, μα το Θεόν,
Για τ’ εσέν τ’ αγνόν
φέρ’νε με γιατρόν

’Κ’ έχω ανάγκην τον γιατρόν
τη γερὰ μ’ για να λαρών’
Έναν φίλεμα σ’ γλυκόν
έν’ τ’ εμόν το γιατρικόν
Κι έναν τέρεμα σ’ αγνόν
στείλ’ με απάν’ σον ουρανόν

Μαύρα και σπαστά μαλλόπα
και γραμμένα τα φρυδόπα
Η γερὰ μ’ τρανόν
ναι, μα το Θεόν,
Για τ’ εσέν τ’ αγνόν
φέρ’νε με γιατρόν

’Κ’ έχω ανάγκην τον γιατρόν
τη γερὰ μ’ για να λαρών’
Έναν φίλεμα σ’ γλυκόν
έν’ τ’ εμόν το γιατρικόν
Κι έναν τέρεμα σ’ αγνόν
στείλ’ με απάν’ σον ουρανόν
Γλωσσάρι
ΚείμενοΕπεξήγησηΕτυμ. ΡίζαΠροέλευση
αγνόναλλόκοτο/η, περίεργο/η, σπουδαίο/α, αξιοθαύμαστο/η ἀγνώς (άγνωστος)<ἀ- + γιγνώσκω
απάν’πάνω
γερὰπληγή, τραύμα yara
ελαίας(τα) ελιές, (τη) ελιάς
εμόνδικός/ή/ό μου ἐμοῦ
έν’είναι
’κ’δεν οὐκί<οὐχί
λαρών’γιατρεύει, θεραπεύει
μαλλόπαμαλλάκια
ματόπα(ομματόπα) ματάκια
στείλ’στέλνω/ει
τέρεμαβλέμμα
φέρ’νεφέρνουν
φίλεμαφιλί
φρυδόπαφρυδάκια
χ̌ειλόπαχειλάκια

Ποντιακός Στίχος - Pontian Lyrics 2025

Τραγούδια: 9577 | Albums/Singles: 1696 | Συντελεστές: 1997 | Λήμματα: 15802
Επικοινωνία: infoDUMMY@pontianlyrics.gr