Προβολή Τραγουδιού
Η Σιβηρία |
Ο αποξενωμένονΣτιχουργοί: Γιώργος Αρμαντινός
Συνθέτες: Γιώργος Αρμαντινός
Καλλιτέχνες: Γιώργος Αρμαντινός, Τάκης Ιωαννίδης
Σα κρύα γυροκλώσκουμαι, σα κρύα απέσ’ κοιμούμαι Απέσ’ σα κρύα λούσκουμαι κι όλι͜α μ’ τ’ εκέσ’ πονούνε Ατό κιάν’ ’κ’ έν’ ζωή να ζεις άμον σ̌κυλίν [Ε!] Απέσ’ κι έξ’ όλι͜α κρύα, ωχρι͜ά κι η Σιβηρία Το κλίμαν έν’ πολλά βαρύν αδά σην ξενιτείαν (Κι) ερρώστεσα ας σον καιρόν κι ας σην αροθυμίαν Ατό κιάν’ ’κ’ έν’ ζωή να ζεις άμον σ̌κυλίν [Ε!] Απέσ’ κι έξ’ όλι͜α κρύα ωχρι͜ά κι η Σιβηρία Εκρύανε κι η ψ̌η μ’ απέσ’ τρέχ’νε τα δά̤κρυ͜α μ’ κρύα Εκρύανε κι η ψ̌η μ’ απέσ’ τα δά̤κρυ͜α μ’ τρέχ’νε κρύα Κρύον ζωήν χωρίς χαράν και χώρι͜α ας σα παιδία μ’ Ατό κιάν’ ’κ’ έν’ ζωή να ζεις άμον σ̌κυλίν [Ε!] Απέσ’ κι έξ’ όλι͜α κρύα ωχρι͜ά κι η Σιβηρία
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αδά | εδώ | ||
| άμον | σαν, όπως, καθώς | ἅμα | |
| απέσ’ | μέσα | ||
| αροθυμίαν | νοσταλγία | ||
| ας σα | απ’ τα | ασό σα (από τα) | |
| ας σην | απ’ την | ασό σην (από την) | |
| ας σον | απ’ τον | ασό σον (από τον) | |
| γυροκλώσκουμαι | κλωθογυρίζω | ||
| εκέσ’ | εκεί | ||
| έν’ | είναι | ||
| έξ’ | έξω ή ο αριθμός έξι | ||
| ερρώστεσα | αρρώστησα | ||
| ’κ’ | δεν | οὐκί<οὐχί | |
| κιάν’ | και άνω, και εξής, και πέρα | ||
| κοιμούμαι | κοιμάμαι | ||
| λούσκουμαι | λούζομαι | ||
| παιδία | παιδιά | ||
| πολλά | (επίθ.) πολλά, (επίρρ.) πολύ | ||
| τρέχ’νε | τρέχουν | ||
| χώρι͜α | χωριστά | ||
| ψ̌η | ψυχή |
