Ποντιακός Στίχος

Προβολή Τραγουδιού

Κατεβάστε τους στίχους σε PDF

Ο αποξενωμένον

Ο αποξενωμένονΟ αποξενωμένον

Στιχουργοί: Γιώργος Αρμαντινός

Συνθέτες: Γιώργος Αρμαντινός

Καλλιτέχνες: Γιώργος Αρμαντινός, Τάκης Ιωαννίδης


Όταν σύρ’νε σε σην άκραν
και αποξενών’νε σε
’Κ’ επορείς να παίρτς αέραν
και τα πόνι͜α τρώνε σε
Πώς να χάρεσαι τον κόσμον
όταν ’κι σουμών’νε σε;

Σα φτερά μ’ απάνω κρού’νε
ένταν και οι φίλ’ εχθροί μ’
Βρίζω εκείντς που δίχως λόγον
εφαρμάκωσαν την ψ̌η μ’
Και τη μοίραν που καρφών’ με
μ’ ένα ζαρωτόν καρφίν

Έχω τον καημό μ’ για φίλον
και τον πόνο μ’ γι’ αδελφόν
Έχ’νε μ’ αποξενωμένον
ως και οι ανθρώπ’ τ’ εμόν
Έρθα ξένος, φεύω ξένος
με παράπονον τρανόν
Γλωσσάρι
ΚείμενοΕπεξήγησηΕτυμ. ΡίζαΠροέλευση
άκρανάκρη, αρχή
ανθρώπ’άνθρωποι
εκείντςεκείνους
εμόνδικός/ή/ό μου ἐμοῦ
έντανέγιναν
επορείςμπορείς
έρθαήρθα
έχ’νεέχουνε
ζαρωτόνστραβό
’κ’δεν οὐκί<οὐχί
’κιδεν οὐκί<οὐχί
κρού’νεχτυπούν κρούω
παίρτςπαίρνεις
πόνι͜απόνοι
σουμών’νεπλησιάζουν
σύρ’νεσέρνουν, τραβούν, ρίχνουν
φεύωφεύγω
φίλ’(προστ. φιλώ) φίλα, (πληθ. φίλον) φίλοι
χάρεσαιχαίρεσαι
ψ̌ηψυχή

Ποντιακός Στίχος - Pontian Lyrics 2025

Τραγούδια: 9575 | Albums/Singles: 1694 | Συντελεστές: 1994 | Λήμματα: 15802
Επικοινωνία: infoDUMMY@pontianlyrics.gr