Τα τσαχάλκα τα παιδία

Προβολή Τραγουδιού

Καλλιτέχνες: Γιώργος Αρμαντινός, Τάκης Ιωαννίδης

Τα τσ̌αχάλκα τα παιδία
σ’κούνταν τρέχ’νε σα χωρία
Με τα ζέστας, με τα κρύα
κυνηγούνε ξένα ψ̌ήα

Ν’ αγαπίγουνταν,
να ερωτεύκουνταν
Να παντρεύκουνταν,
να νοικοκυρεύκουνταν

Άλλα σο στρατόν τελέν’νε,
κρού’ν σαράντα κι αναμέν’νε 
Τα τσ̌αχάλκα όμως ’βγαίν’νε
σο χακίν απέσ’ πριν ’μπαίν’νε

Ν’ αγαπίγουνταν,
να ερωτεύκουνταν
Να παντρεύκουνταν,
να νοικοκυρεύκουνταν

Γλωσσάρι

Κείμενο	Επεξήγηση	Ετυμ. Ρίζα
αγαπίγουνταν	αγαπιούνται
αναμέν’νε	περιμένουν, αναμένουν
απέσ’	μέσα
ερωτεύκουνταν	ερωτεύονται
ζέστας	(ον.πληθ. τα) ζέστες
κρού’ν	χτυπούν	κρούω
’μπαίν’νε	(εμπαίν’νε) μπαίνουν
νοικοκυρεύκουνταν	νοικοκυρεύονται
παιδία	παιδιά
παντρεύκουνταν	παντρεύονται
σ’κούνταν	σηκώνονται
τελέν’νε	(μεταβ.) τελειώνουν κτ
τρέχ’νε	τρέχουν
τσ̌αχάλκα	άπειρα, ανώριμα, άβγαλτα	cahil/cāhil
χωρία	χωριά
ψ̌ήα	ψυχές, η περιοχή του στέρνου, τα εσώψυχα