Προβολή Τραγουδιού
Η τσούνα η μαγκάνα σ’ |
Ο αποξενωμένονΣτιχουργοί: Γιώργος Αρμαντινός
Συνθέτες: Γιώργος Αρμαντινός
Καλλιτέχνες: Γιώργος Αρμαντινός, Τάκης Ιωαννίδης
Χωρίς τον ξενοδόχον λογαριασμούς ευτάω Χωρίς τη μάνα σ’ να ρωτώ σ’ οσπίτι σ’ ίσα πάω Έρθεν κι η προξενήτρα με τη γαμπρού την πίτα Που έν’ λειφτούρτς¹ και άσ̌κεμος μα έχ̌’ παράν κι οσπίτι͜α [Ωχ!] Η μάνα σ’, φταίει, η μάνα σ’ η τσούνα, η μαγκάνα σ’ Κρατεί σε για τον άλλον που λέει τα ίδια ως να μερών’ άμον τον παπαγάλον [Ωχ!] Η μάνα σ’, φταίει, η μάνα σ’ [Ωχ!] η τσούνα, η μαγκάνα σ’ Κλαίνε σε -ν- απ’ ατώρα εγώ κι όλεν η χώρα Γιατί πουλεί σε, πουλόπο μ’ η μάνα σ’ η Θοδώρα Κι ευτάει με και ζαντύνω και μαύρα δά̤κρυ͜α ’κχ̌ύνω Εγώ τα πλούτα̤ έχω σην ψ̌η μ’ και όπως δένω, λύνω [Ωχ!] Η μάνα σ’, φταίει, η μάνα σ’ η τσούνα, η μαγκάνα σ’ Κρατεί σε για τον άλλον που λέει τα ίδια ως να μερών’ άμον τον παπαγάλον [Ωχ!] Η μάνα σ’, φταίει, η μάνα σ’ [Ωχ!] η τσούνα, η μαγκάνα σ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| άσ̌κεμος | άσχημος | ||
| ατώρα | τώρα | ||
| έν’ | είναι | ||
| έρθεν | ήρθε | ||
| ευτάει | κάνει, φτιάχνει | εὐθειάζω | |
| ευτάω | κάνω, φτιάχνω | εὐθειάζω | |
| έχ̌’ | έχει | ||
| ζαντύνω | τρελαίνομαι | σάννας | |
| κρατεί | κρατάει, βαστάει, στέκει, αντέχει | ||
| ’κχ̌ύνω | εκχύνω, χύνω, εκβάλλω | εκχύνω<ἐγχέω< ἐν + χέω | |
| μαγκάνα | μάνα | ιδ. μαννάκα | |
| μερών’ | μερώνει, ξημερώνει | ||
| όλεν | όλη/ο, ολόκληρη/ο | ||
| οσπίτι | σπίτι | hospitium<hospes | |
| οσπίτι͜α | σπίτια | hospitium<hospes | |
| παράν | λεφτά, το χρήμα | para/pāre | |
| πλούτα̤ | πλούτη | ||
| πουλόπο | πουλάκι | ||
| τσούνα | σκύλα | κύων→κύαινα | |
| χώρα | οι ξένοι γενικά, οι μη οικείοι, η ξενιτειά | ||
| ψ̌η | ψυχή |
¹ Αδόκ. τύπος, πιθ. εκ παραδρομής αντί του «λευκούρτς»=μτφρ. ο ηλίθιος, ο μωρός
