Αναγνώριση - Δικαίωση

Προβολή Τραγουδιού

Καλλιτέχνες: Απαγγελία/Αφήγηση/Ψαλμός, Χορωδία

expand_content

Να ψαλαφά συγχώρεσην
ο Τούρκον για όσα εποίκεν 
Για τα μωρά ντο έσπαξεν,
για τα ορφανά ντ’ εφήκεν 
Για τοι γυναίκ’ς ντ’ ατίμασεν,
για τοι γερόντ’ς ντ’ εκάγαν
Για τ’ ατείντς που τα ψ̌ήα τουν
ακόμαν ’κ’ ενεπάγαν 

Τα ψ̌ήα ντο εχάθανε
ακόμαν φτερουγίζ’νε
Σα μέρι͜α όθεν έζησαν
ακόμαν τριγυλίζ’νε
’Κι ψαλαφούν εκδίκησην,
έναν μανάχον θέλ’νε

Δικαίωση οι αποθαμέν’
ατώρα αραεύ’νε!

Γλωσσάρι

Κείμενο	Επεξήγηση	Ετυμ. Ρίζα
αποθαμέν’	πεθαμένοι
αραεύ’νε	ψάχνουν, αναζητούν, γυρεύουν	aramak
ατείντς	αυτούς
ατώρα	τώρα
γερόντ’ς	γέροντες
γυναίκ’ς	γυναίκες
εκάγαν	κάηκαν
ενεπάγαν	αναπαύθηκαν, ξεκουράστηκαν
εποίκεν	έκανε, έφτιαξε	ποιέω-ῶ
έσπαξεν	έσφαξε
εφήκεν	άφησε
εχάθανε	χάθηκαν
θέλ’νε	θέλουν
’κ’	δεν	οὐκί<οὐχί
’κι	δεν	οὐκί<οὐχί
μανάχον	(έναρθρο) μοναχός, μοναχό, (επίρρ) μόνο/μοναχά
μέρι͜α	μέρη
όθεν	όπου, οπουδήποτε, σε όποιον
όσα	όσες φορές
τοι	τους/τις
τουν	τους
τριγυλίζ’νε	τριγυρίζουν, περιτριγυρίζουν
ψαλαφά	ζητάει, αιτείται
ψαλαφούν	ζητούν, αιτούνται
ψ̌ήα	ψυχές, η περιοχή του στέρνου, τα εσώψυχα

Σημειώσεις

Απαγγελία: Ελένη Λαυρεντίου