Κλάψτεν τον Πόντον

Απ’ άκρα σ’ άκραν έρημα,
ισιζλεύ’νε τα ραχ̌ία
Ακούς μανάχον τα νερά
ντο τρέχ’νε απέσ’ σ’ ορμία

Κλάψτεν τον Πόντον, κλάψτε ατον
κλάψτεν τα παλληκάρι͜α
Ατά που με το αίμαν ατουν
επότ’σαν τα χορτάρι͜α

Κλάψτεν τον Πόντον, κλάψτε ατον
κλάψτεν για τα παρχάρι͜α
κλάψτεν τα δέντρα τ’ άφυλλα
κλάψτεν και τα λιθάρι͜α

Απ’ άκρα σ’ άκραν έρημα
επέμ’ναν τα χωρία
Μωρί’ λαλίας ξάι ’κι ακούς,
καμένα τα σχολεία

Κλάψτεν τον Πόντον, κλάψτε ατον
κλάψτεν τα παλληκάρι͜α
Ατά που με το αίμαν ατουν
επότ’σαν τα χορτάρι͜α

Κλάψτεν τον Πόντον, κλάψτε ατον
κλάψτεν για τα παρχάρι͜α
κλάψτεν τα δέντρα τ’ άφυλλα
κλάψτεν και τα λιθάρι͜α

Απ’ άκρα σ’ άκραν έρημα
παρχάρι͜α και λιβάδι͜α
Εχάθανε τα πρόγατα,
εχάθαν τ’ αλμεγάδι͜α

Κλάψτεν τον Πόντον, κλάψτε ατον
κλάψτεν τα παλληκάρι͜α
Ατά που με το αίμαν ατουν
επότ’σαν τα χορτάρι͜α

Κλάψτεν τον Πόντον, κλάψτε ατον
κλάψτεν για τα παρχάρι͜α
Κλάψτεν τα δέντρα τ’ άφυλλα,
κλάψτεν και τα λιθάρι͜α