Γιατί να είσαι τη χώρας;

Γιατί να είσαι τη χώρας
και να μη είσαι τ’ εμόν;
Αφού θέλω σε και θέλτς με
κρίμαν έν’ ας σο Θεόν

Θέλω σε, θέλω σε,
πάντα -ν- αραεύω σε
Εσύ είσαι τη χώρας,
εγώ πώς να παίρω σε;

Γιατί να είσαι τη χώρας
αφού αγαπάς εμέν;
Χώρι͜α ο ένας ας σον άλλον,
η ψ̌η εμουν θα εβγαίν’

Θέλω σε, θέλω σε,
πάντα -ν- αραεύω σε
Εσύ είσαι τη χώρας,
εγώ πώς να παίρω σε;

Γιατί να είσαι τη χώρας
και εγώ τρώω την ψ̌η μ’;
Είσαι τ’ εμόν το γιαβρόπον
κι εγώ τ’ εσόν το πουλίν

Θέλω σε, θέλω σε,
πάντα αραεύω σε
Εσύ είσαι τη χώρας
κι εγώ πώς να παίρω σε;