Ποντιακός Στίχος

Προβολή Τραγουδιού

Κατεβάστε τους στίχους σε PDF

Τη νέοις επέρεν η ξενιτείαν

Η φωνή του Πόντου Νο3Η φωνή του Πόντου Νο3

Στιχουργοί: Πέτρος Χαραλαμπίδης

Συνθέτες: Πέτρος Χαραλαμπίδης

Καλλιτέχνες: Παναγιώτης Κοσμίδης, Πέτρος Χαραλαμπίδης


Τοι νέοις επέρεν η ξενιτεία
και ευκαιρώθανε τα χωρία
Γέρ’ και γραιάδες επέμ’ναν μόνον
κι αροθυμία, τη ψ̌ης ο πόνον

Γέρ’ και γραιάδες, μωρά, παιδία
μόνον επέμ’νανε σα χωρία
Τοι νέοις επέρεν η ξενιτεία
και ευκαιρώθανε τα χωρία

Φεύ’νε και πάνε να καζανεύ’νε
σο ξένον τόπον ντο υποφέρ’νε
Νύχταν, ημέραν υπερωρίας,
βάσανα, πίκρας κι αροθυμίας

Οι γέρ’ επέμ’ναν με τοι γραιάδες
και τα παιδία χωρίς μανάδες
Τοι νέοις επέρεν η ξενιτεία
και ευκαιρώθανε τα χωρία

Ήντζαν εφέκεν μωρά, παιδία
τρώει ατον πάντα αροθυμία
Νύχταν, ημέραν κάθεται, σ’κούται,
για τα παιδία τ’ η ψ̌η ματούται

Οι γέρ’ επέμ’ναν με τοι γραιάδες
και τα παιδία χωρίς μανάδες
Τοι νέοις επέρεν η ξενιτεία
και ευκαιρώθανε τα χωρία
Γλωσσάρι
ΚείμενοΕπεξήγησηΕτυμ. ΡίζαΠροέλευση
αροθυμίανοσταλγία
αροθυμίας(γεν.) νοσταλγίας, (πληθ.) νοσταλγίες
γέρ’γέροι
γραιάδεςγριές
επέμ’ναναπόμειναν
επέμ’νανεαπόμειναν
επέρενπήρε
ευκαιρώθανεάδειασαν, μτφ. ερημώθηκαν
εφέκενάφησε
ήντζανοποιοσδήποτε, όποιος / οποιονδήποτε, όποιον
καζανεύ’νεκερδίζουν, αποκτούν πλούτο kazanmak
ματούταιματώνει
νέοιςνέους
παιδίαπαιδιά
πίκραςπίκρες
σ’κούταισηκώνεται
τοιτους/τις
υποφέρ’νευποφέρουν
φεύ’νεφεύγουν
χωρίαχωριά
ψ̌ηψυχή
ψ̌ηςψυχής

Ποντιακός Στίχος - Pontian Lyrics 2025

Τραγούδια: 9575 | Albums/Singles: 1694 | Συντελεστές: 1997 | Λήμματα: 15802
Επικοινωνία: infoDUMMY@pontianlyrics.gr