Ποντιακός Στίχος

Προβολή Τραγουδιού

Κατεβάστε τους στίχους σε PDF

Χωροσώρ’

Χωροσώρ’Χωροσώρ’

Στιχουργοί: Βασίλης Μωυσιάδης

Συνθέτες: Νίκος Σαββίδης

Καλλιτέχνες: Γιάννης Χριστοδουλίδης, Στέλιος Χαλκίδης


Χορεύ’νε όλια τα κορτσόπα
ομάλια και διπάτι͜α
κι έναν εστάθεν και τερεί
εμέν απέσ’ σ’ ομμάτι͜α

Για έλα αδά σο χωροσώρ’,
χορεύ’νε, παλαλούνταν
Και με τ’ εσόν το φώταγμαν
καρδι͜ά και ψ̌η γομούνταν

Κουμούσ̌ιν τριαντάφυλλο μ’
έναν ξεχωρισμένον
Το κόψιμον σον πρόσωπο σ’
πασ̌τάν ζωγραφισμένον

Για έλα αδά σο χωροσώρ’,
χορεύ’νε, παλαλούνταν
Και με τ’ εσόν το φώταγμαν
καρδι͜ά και ψ̌η γομούνταν

Λίβι͜α τ’ ομμάτι͜α σ’ έμορφα
εντάμαν με τα φρύδι͜α σ’
Γουρπάν’ και σο κορμόπο σου,
πουλόπο μ’, τα δεσίδι͜α σ’

Για έλα αδά σο χωροσώρ’,
χορεύ’νε, παλαλούνταν
Και με τ’ εσόν το φώταγμαν
καρδι͜ά και ψ̌η γομούνταν

Για έλα αδά σο χωροσώρ’,
χορεύ’νε, παλαλούνταν
Και με τ’ εσόν το φώταγμαν
καρδι͜ά και ψ̌η γομούνταν
Γλωσσάρι
ΚείμενοΕπεξήγησηΕτυμ. ΡίζαΠροέλευση
αδάεδώ
απέσ’μέσα
γομούντανγεμίζουν, βουρκώνουν, κομπιάζουν
γουρπάν’θυσία kurban/ḳurbān
δεσίδι͜αμούτρα
έμορφαόμορφα
εντάμανμαζί
εσόνδικός/ή/ό σου
εστάθενστάθηκε, σταμάτησε
κορμόποκορμάκι
κορτσόπακοριτσάκια
κουμούσ̌ινοφθαλμός φυτού, κώνος ελάτης, το εξωτερικό περίβλημα (εχίνος) του κάστανου kumuş
λίβι͜ασύννεφα λίβος<λείβω
όλιαόλα
ομάλιαομαλοί δρόμοι, ευθείες, πεδιάδες, ομαλά (επίρρ)
ομμάτι͜αμάτια
παλαλούνταντρελαίνονται
πασ̌τάνολωσδιόλου, εντελώς baştan
πουλόποπουλάκι
τερείκοιτάει
φώταγμανφωτισμός, λαμποκόπημα
χορεύ’νεχορεύουν
χωροσώρ’μέρος όπου συσκέπτονται οι πρόκριτοι χωριού, μέρος συγκέντρωσης λαού
ψ̌ηψυχή

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr