Τη σεβτάς τα χάρια

Προβολή Τραγουδιού

Αγαπάς με κι αγαπώ σε,
εθαρρώ, αρνί μ’, καιρός έν’
Να πατώ το κατωθύρι σ’
και να παίρω σε ας σον κύρη σ’

Άλλο μη αργοπορούμε,
εσέναν θα στεφανούμαι
Χώρι͜α σ’ την καρδι͜ά μ’ κλαινίζω
και μακρά σ’ ’κι ταγιανίζω

Θα χαρίζω το σημάδιν
ση ζωής ι-μ’ το νυφάδιν
Σο χ̌έρ’ν ατ’ς το κατιφένιον
δαχτυλίδ’ μαλαματένιον

Άλλο μη αργοπορούμε,
εσέναν θα στεφανούμαι
Χώρι͜α σ’ την καρδι͜ά μ’ κλαινίζω
και μακρά σ’ ’κι ταγιανίζω

Και θα ζούμε σα παρχάρι͜α,
τη σεβτάς όλια τα χάρι͜α
Μετ’ εσέν, αρνί μ’, εντάμαν,
η ζωή έν’ έναν θάμαν

Άλλο μη αργοπορούμε,
εσέναν θα στεφανούμαι
Χώρι͜α σ’ την καρδι͜ά μ’ κλαινίζω
και μακρά σ’ ’κι ταγιανίζω

Γλωσσάρι

Κείμενο	Επεξήγηση	Ετυμ. Ρίζα
ατ’ς	αυτής, της
εθαρρώ	θαρρώ, νομίζω, υποθέτω
έν’	είναι
εντάμαν	μαζί
θάμαν	θαύμα
κατωθύρι	κατώφλι, η παράπλευρη και κάτω ξύλινη δοκός της πόρτας, ο πρόδρομος
’κι	δεν	οὐκί<οὐχί
κλαινίζω	στενοχωρώ, κάνω κπ να κλάψει
μακρά	(επιρρ.) μακριά, (επιθ.) μακρινά, απομακρυσμένα
μετ’	μαζί με (με αιτιατική), με (τρόπος)
όλια	όλα
παίρω	παίρνω
παρχάρι͜α	ορεινοί τόποι θερινής βοσκής
σεβτάς	αγάπης, έρωτα	sevda/sevdā
στεφανούμαι	στεφανώνομαι
ταγιανίζω	αντέχω, βαστάω, υπομένω	dayanmak
χ̌έρ’ν	χέρι
χάρι͜α	χάρες
χώρι͜α	χωριστά

Προβολή Τραγουδιού

Τη σεβτάς τα χάρι͜α