Τρανόν κι αγροθερίον

Προβολή Τραγουδιού

Καλλιτέχνες: Γιάννης Παπαγερίδης, Κωνσταντίνος Παπαγερίδης, Κώστας Αγέρης

Αούτο τ’ εσόν η σεβντά
τρανόν κι αγροθερίον
Καρδίας αποκαρτελίζ’
και ’κι πονεί ολίγ̆ον

Αγροθερίον ’ίνουμαι,
αγρεύω, παλαλούμαι
Απέσ’ σ’ εγκάλια σ’ μαναχόν
έρχουμαι κι ημερούμαι

Σην ερημίαν κάθουμαι,
κανένα ζόρ’ πα ’κ’ έχω
Ση καρδι͜άς ι-σ’ το κούισμαν
αμὰν σ’κούμαι και τρέχω

Αγροθερίον ’ίνουμαι,
αγρεύω, παλαλούμαι
Απέσ’ σ’ εγκάλια σ’ μαναχόν
έρχουμαι κι ημερούμαι

Το σ̌ερπετένιον χ̌είλος ι-σ’,
αρνί μ’, χαβεζλεεύω
Και το γλυκύν το φίλεμα σ’
να ψαλαφώ γιλεύω

Αγρι͜οθερίον ’ίνουμαι,
αγρεύω, παλαλούμαι
Απέσ’ σ’ εγκάλια σ’ μαναχόν
έρχουμαι κι ημερούμαι

Με τη σεβτι͜άς ι-σ’ το τακάτ’
τον κόσμον γυροκλώθω
Κι όλια τα ποταμόνερα
σταλίζω κι οπίσ’ κλώθω

Αγροθερίον ’ίνουμαι,
αγρεύω, παλαλούμαι
Απέσ’ σ’ εγκάλια σ’ μαναχόν
έρχουμαι κι ημερούμαι

Γλωσσάρι

Κείμενο	Επεξήγηση	Ετυμ. Ρίζα
αγρεύω	αγριεύω, εξαγριώνομαι, φοβάμαι
αγροθερίον	άγριο θηρίο, μτφ. άνθρωπος που εμπνέει φόβο
αμὰν	αμέσως, ευθύς, μονομιάς	hemen/hemān
αούτο	αυτό/ή
απέσ’	μέσα
αποκαρτελίζ’	κομματιάζει, καταξεσκίζει
γιλεύω	φοβάμαι, διστάζω	yılmak
γλυκύν	γλυκιά/ό
γυροκλώθω	γυρίζω, στρέφω, αντιστρέφω, κλωθογυρίζω, στριφογυρίζω
εγκάλια	αγκαλιά
έρχουμαι	έρχομαι
εσόν	δικός/ή/ό σου
ζόρ’	ζόρι	zor/zūr
ημερούμαι	ημερώνομαι, εξημερώνομαι
’ίνουμαι	γίνομαι
’κ’	δεν	οὐκί<οὐχί
καρδίας	(τη, γεν.) καρδιάς, (τα, ονομ. πληθ.) καρδιές
’κι	δεν	οὐκί<οὐχί
κλώθω	κλώθω, γυρνώ
κούισμαν	κάλεσμα
μαναχόν	(έναρθρο) μοναχός, μοναχό, (επίρρ) μόνο/μοναχά
όλια	όλα
ολίγ̆ον	λίγο
οπίσ’	πίσω
πα	πάλι, επίσης, ακόμα
παλαλούμαι	τρελαίνομαι
σεβντά	αγάπη, έρωτας	sevda/sevdā
σεβτι͜άς	αγάπης, έρωτα	sevda/sevdā
σ̌ερπετένιον	γλυκό	şerbet/şarbat
σ’κούμαι	σηκώνομαι
σταλίζω	στήνω κτ όρθιο, εμποδίζω κπ να προχωρήσει, σταματώ
τακάτ’	δύναμη, αντοχή	takat/ṭāḳat
φίλεμα	φιλί
χαβεζλεεύω	απολαμβάνω κτ, γουστάρω	heveslenmek
ψαλαφώ	ζητώ, αιτούμαι