Ο πρόσφυγας

Προβολή Τραγουδιού

Καλλιτέχνες: Γιώργος Σασκαλίδης, Γιώτα Παπαδοπούλου, Τριαντάφυλλος Πουρσανίδης

Πρόσφυγας είμαι -ν- ας σον Πόντον,
έχασα την πατρίδα μ’
Άμον πουλίν τσ̌αρτεμένον 
π’ επέμ’νεν χωρίς φωλέα,
έχασα την πατρίδα μ’

Ήντα̤ν είχα ούλα̤ εφέκα,
εχπάστα μ’ έναν ποχτσ̌άν
Άμον τον κυνηγημένον
ξαν ση προσφυγιάς τη στράτα,
σην ψ̌η μ’ ένοιξα γερὰ

Καν’νάν ’κ’ έχω, πού να πάω;
κανείς εμέν ’κ’ εγροικά
Οσπίτ’ είχα εγώ σον Πόντο,
εφέκα ’το κι έφυγα
Αχ! Έρημον πατρίδα μ’!

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
ας σον	απ’ τον	ασό σον (από τον)
γερὰ	πληγή, τραύμα	yara
εγροικά	καταλαβαίνει
ένοιξα	άνοιξα
επέμ’νεν	απόμεινε
εφέκα	άφησα
εχπάστα	αναχώρησα, κίνησα για
ήντα̤ν	οτιδήποτε, ό,τι
’κ’	δεν	οὐκί<οὐχί
καν’νάν	κανέναν
ξαν	πάλι, ξανά
οσπίτ’	σπίτι	hospitium<hospes
ούλα̤	όλα
ποχτσ̌άν	δεμάτι από μεγάλο ύφασμα που διπλώνεται στις τέσσερις γωνίες	bohça
’το	αυτό, το (προσωπική αντωνυμία)
τσ̌αρτεμένον	σκορπισμένο, τρομαγμένο
φωλέα	φωλιά
ψ̌η	ψυχή