Προβολή Τραγουδιού
Έχασα τον αδελφό μ’ |
Τραγωδώ για τ’ εσάςΣτιχουργοί: Τάκης Παπαδόπουλος
Συνθέτες: Τάκης Παπαδόπουλος
Καλλιτέχνες: Γιώργος Σασκαλίδης, Τριαντάφυλλος Πουρσανίδης
Εσκοτείνεψεν ο ήλεν, ’λίβωσεν ο ουρανόν Έτρεχαν τ’ εμά τα δά̤κρα̤, έκλαιεν και ο Θεόν Έτρεχαν τ’ εμά τα δά̤κρα̤, έχασα τον αδερφό μ’ Αδερφέ, πού έν’ η μάνα σ’ να κλαίει σε ους να μερών’; Έναν ας σα έξ’ παιδία τ’ς σ’ άλλ’ τον κόσμον ν’ ανταμών’ Έναν ας σα έξ’ παιδία τ’ς, έχασα τον αδερφό μ’ Κλαίνε τα τρία παιδία σ’, η γαρή σ’ μοιρολογά Χαιρετούνε σε -ν- τ’ αδέρφα̤ σ’, η καμπάνα αργά χτυπά Χαιρετούνε σε -ν- τ’ αδέρφα̤ σ’, τα εγγόνα̤ σ’ τα μικρά Τον πασ̌ά μ’ επαρεξέγκαν σα ταφία τη χωρί’ Έναν βούραν χώμαν σύρ’νε, νέος έσ’νε εσύ, γιατί; Έναν βούραν χώμαν σύρ’νε, σα καρδά̤ς εμουνε ζει
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ανταμών’ | φέρνει σε επαφή, συνδέει, συναρμόζει, συναντάει | ||
| ας σα | απ’ τα | ασό σα (από τα) | |
| βούραν | χούφτα | vola=η παλάμη του χεριού ή το πέλμα του ποδιού | |
| γαρή | σύζυγος, γυναίκα | karı | |
| δά̤κρα̤ | δάκρυα | ||
| εγγόνα̤ | εγγόνια | ||
| έκλαιεν | έκλαιγε | ||
| εμά | δικά μου | ||
| εμουνε | μας | ||
| έν’ | είναι | ||
| έξ’ | έξω ή ο αριθμός έξι | ||
| επαρεξέγκαν | ξεπροβόδισαν | ||
| εσκοτείνεψεν | σκοτείνιασε | ||
| έσ’νε | ήσουν | ||
| ήλεν | ήλιος/ήλιο | ||
| καρδά̤ς | (γεν. εν.) καρδιάς, (ον. πληθ.) καρδιές | ||
| ’λίβωσεν | συννέφιασε | ||
| μερών’ | μερώνει, ξημερώνει | ||
| ους | ως, μέχρι | ||
| παιδία | παιδιά | ||
| πασ̌ά | πασά (βαθμός ή τίτλος τιμητικός ανώτατου πολιτικού ή στρατιωτικού επί Οθωμ. Αυτοκρατορίας), (καθομ.) άρχοντα, τιμητική προσφώνηση μεγαλύτερου αδελφού | paşa | |
| σύρ’νε | σέρνουν, τραβούν, ρίχνουν | ||
| ταφία | τάφοι, το νεκροταφείο | ||
| χωρί’ | χωριού |
