Προβολή Τραγουδιού
Ας τ’ έφυες έν’ καιρός |
Τη ψ̌ης εξομολόγησηΣτιχουργοί: Τάκης Παπαδόπουλος
Συνθέτες: Τάκης Παπαδόπουλος
Καλλιτέχνες: Γιώργος Σασκαλίδης, Κώστας Σιώπης, Τριαντάφυλλος Πουρσανίδης
Ας τ’ έφυες έν’ καιρός και -ν- επέμ’να μαναχός Έφαγα τ’ εμόν την ψ̌ην ν’ αναμένω το πουλί μ’ Έλα, πουλόπο μ’, οπίσ’, είσαι το μωρό μ’ Ατεψίζ’κον κι έμορφον, είσαι τ’ όνειρο μ’ Αροθυμία σύρω, άλλο πόσον θ’ αντέχω Ανάσκαψον κι έλα οπίσ’, το ψ̌όπο μ’ μη τυρα̤ννί͜εις Έλα, πουλόπο μ’, οπίσ’, είσαι το μωρό μ’ Ατεψίζ’κον κι έμορφον, είσαι τ’ όνειρο μ’ Μάτα̤ ντο ’κ’ ελέπουνταν λένε ανασπάλλκουνταν Ψέμα, μη πιστεύετε, άλλο πολλά αγαπίουνταν Έλα, πουλόπο μ’, οπίσ’, είσαι το μωρό μ’ Ατεψίζ’κον κι έμορφον, είσαι τ’ όνειρο μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αγαπίουνταν | αγαπιούνται | ||
| ανάσκαψον | (προστ.) βλαστήμησε, βρίσε | ||
| αροθυμία | νοσταλγία | ||
| ατεψίζ’κον | αγενές, θρασύ, ξεδιάντροπο | edepsiz | |
| εμόν | δικός/ή/ό μου | ἐμοῦ | |
| έμορφον | όμορφο | ||
| έν’ | είναι | ||
| επέμ’να | απόμεινα | ||
| έφυες | έφυγες | ||
| ’κ’ | δεν | οὐκί<οὐχί | |
| μαναχός | μοναχός, μόνος | ||
| μάτα̤ | μάτια | ||
| οπίσ’ | πίσω | ||
| πολλά | (επίθ.) πολλά, (επίρρ.) πολύ | ||
| πουλόπο | πουλάκι | ||
| σύρω | σέρνω, τραβώ, ρίχνω | ||
| τυρα̤ννί͜εις | τυραννάς, ταλαιπωρείς | ||
| ψ̌ην | ψυχή | ||
| ψ̌όπο | ψυχούλα |
