Απόψ’ ους να εμέρωσεν

Προβολή Τραγουδιού

Καλλιτέχνες: Γιώργος Σασκαλίδης, Γιώτα Παπαδοπούλου, Τριαντάφυλλος Πουρσανίδης

Απόψ’ ους να εμέρωσεν
τ’ αρνί μ’ σ’ όρωμα μ’ έρθεν
Ερρούξεν σ’ εγκαλιόπο μου,
εποίκα ολίγον τόπον,
σο γιάνι μ’ εκοιμέθεν

Εφίλ’νε με ους να μερών’,
το στόμαν ατ’ς μελένεν
Ους το πρωί σ’ εμόν το γιάν’,
μασχαρευτά, μασχαρευτά,
εκοιμέθεν κι επέμ’νεν

Ντό όρωμα, Θεέ μ’, έτον!
Μ’ εγνέφιζα καμίαν!
Ας επαίρ’νες τοι δύ’ς μαζί,
πονεμένα τη καμπάνα
κι εντούναν ατο μίαν

Γλωσσάρι

Κείμενο	Επεξήγηση	Ετυμ. Ρίζα
ατ’ς	αυτής, της
γιάν’	πλάι, πλευρά	yan
γιάνι	πλάι, πλευρό	yan
δύ’ς	δύο
εγκαλιόπο	αγκαλίτσα
εγνέφιζα	ξυπνούσα
εκοιμέθεν	κοιμήθηκε
εμέρωσεν	ξημέρωσε
εμόν	δικός/ή/ό μου	ἐμοῦ
εντούναν	χτυπούσαν, στερέωναν
επαίρ’νες	έπαιρνες
επέμ’νεν	απόμεινε
εποίκα	έκανα, έφτιαξα	ποιέω-ῶ
έρθεν	ήρθε
ερρούξεν	έπεσε
έτον	ήταν
εφίλ’νε	φιλούσε
καμίαν	ποτέ
μασχαρευτά	στ’ αστεία, χάριν αστεϊσμού	maskara/masḫara
μελένεν	μελένια/ο, γλυκιά/ό σαν το μέλι
μερών’	μερώνει, ξημερώνει
μίαν	μια φορά
ολίγον	λίγο
όρωμα	όνειρο
ους	ως, μέχρι
τοι	τους/τις