Προβολή Τραγουδιού
Δύο παλληκάρι͜α |
Απόψ’ είδα σο όρωμα μ’Στιχουργοί: Γιώργος Μαυρίδης
Συνθέτες: Γιάννης Μιχαηλίδης
Καλλιτέχνες: Γιώργος Ατματσίδης, Κώστας Καζαντζίδης
Δύο παλληκάρι͜α, Πόντιοι, λιοντάρα̤ Σα χ̌έρα̤ τα μαχαίρα̤ παλεύ’νε για τ’ εσέν Κρού’νε για την καρδία σ’ και για την εμορφία σ’ Τερείς ατ’ς-ε και χάρεσαι, θαρρείς σεΐρ’ πως έν’ Σταθέστε, παλληκάρι͜α, μαχ̌αίρι͜α αδά ’κι θέλ’ Τη νύφε να ρωτούμε να λέει μας τίναν θέλ’ Σταθέστε, παλληκάρι͜α, μαχ̌αίρι͜α αδά ’κι θέλ’ Καλλίον έν’ η νύφε να λέει τίναν θα παίρ’ Δύο μανάδες κλαίνε εμπροστά σ’ και λένε «Στάλτσον τα παιδία μουν που κρού’νε για τ’ εσέν» Νύφε, φορεμέντσα, μη είσαι ματωμέντσα κι ευτάς την αμαρτίαν, τρανόν το κρίμαν έν’ Σταθέστε, παλληκάρι͜α, μαχ̌αίρι͜α αδά ’κι θέλ’ Τη νύφε να ρωτούμε να λέει μας τίναν θέλ’ Σταθέστε, παλληκάρι͜α, μαχ̌αίρι͜α αδά ’κι θέλ’ Καλλίον έν’ η νύφε να λέει τίναν θα παίρ’ Δύο παλληκάρι͜α, Πόντιοι, λιοντάρα̤ Εσ’κώθαν κι εματώθαν, κορτσόπον, για τ’ εσέν Αστράφτ’νε τα μαχ̌αίρι͜α σα ματωμένα χ̌έρι͜α Εσύ λες υπερήφανα «σκοτούνταν για τ’ εμέν!» Σταθέστε, παλληκάρι͜α, μαχ̌αίρι͜α αδά ’κι θέλ’ Τη νύφε να ρωτούμε να λέει μας τίναν θέλ’ Σταθέστε, παλληκάρι͜α, μαχ̌αίρι͜α αδά ’κι θέλ’ Καλλίον έν’ η νύφε να λέει τίναν θα παίρ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αδά | εδώ | ||
| αστράφτ’νε | αστράφτουν | ||
| ατ’ς | αυτής, της | ||
| εματώθαν | ματώθηκαν, μάτωσαν | ||
| εμορφία | ομορφιά | ||
| εμπροστά | μπροστά, πρωτύτερα | ||
| έν’ | είναι | ||
| εσ’κώθαν | σηκώθηκαν | ||
| ευτάς | κάνεις, φτιάχνεις | εὐθειάζω | |
| καλλίον | (επίθ.) καλύτερο, (επίρ.) καλύτερα | ||
| ’κι | δεν | οὐκί<οὐχί | |
| κορτσόπον | κοριτσάκι | ||
| κρού’νε | χτυπούν | κρούω | |
| ματωμέντσα | ματωμένη | ||
| μουν | μας | ||
| νύφε | νύφη | ||
| παιδία | παιδιά | ||
| παίρ’ | παίρνω/ει | ||
| παλεύ’νε | παλεύουν | ||
| σεΐρ’ | θέαμα πρόσφορο για διασκέδαση (μτφ. τερώ σεΐρ: κοιτώ κτ διασκεδάζοντας, παραμένοντας αμέτοχος) | seyir/seyr | |
| σκοτούνταν | σκοτώνονται | ||
| σταθέστε | (προστ.) σταθείτε | ||
| στάλτσον | (προστ.) στήσε κτ όρθιο, εμπόδισε κπ να προχωρήσει, σταμάτησε | ||
| τερείς | κοιτάς | ||
| τίναν | ποιον/α | ||
| φορεμέντσα | φορεμένη | ||
| χ̌έρα̤ | χέρια | ||
| χάρεσαι | χαίρεσαι |
