Προβολή Τραγουδιού
Σεβντά έχω |
Τραγωδώ αγαπώΣτιχουργοί: Νίκος Κελεσίδης
Συνθέτες: Νίκος Κελεσίδης
Καλλιτέχνες: Νίκος Κελεσίδης, Παναγιώτης Κοσμίδης
Δος μα ας σην καρδία σ’ χαράν και -ν- ας σα χ̌είλι͜α σ’ γέλος Να βγάλω ας σην καρδία μ’ ντ’ εκάρφωσες το βέλος Σεβντά, σεβντά, σεβντά έχω σο καρδόπο μ’ και σεβνταλής γυρίζω Άψιμον καίει το καρδόπο μ’ και πώς να ταγιανίζω; Εσέν π’ εποίν’νεν η μάνα άλλο να μη ευτάει Κι εκείνε πα άμον εσέν τίνος καρδι͜ά θα κάει; Σεβντά, σεβντά, σεβντά έχω σο καρδόπο μ’ και σεβνταλής γυρίζω Άψιμον καίει το καρδόπο μ’ και πώς να ταγιανίζω; Πώς ’κι τσ̌οκεύ’νε τα ραχ̌ι͜ά όντες αναστενάζω; Η σεβντά ’κι πουλίεται να στείλω κι αγοράζω Σεβντά, σεβντά, σεβντά έχω σο καρδόπο μ’ και σεβνταλής γυρίζω Άψιμον καίει το καρδόπο μ’ και πώς να ταγιανίζω;
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| άψιμον | φωτιά | ||
| γέλος | γέλιο, περίγελος | ||
| δος | δώσε | ||
| δος μα | δώσε μου | ||
| εκείνε | εκείνη | ||
| εποίν’νεν | έκανε, έφτιαχνε | ποιέω-ῶ | |
| ευτάει | κάνει, φτιάχνει | εὐθειάζω | |
| κάει | καίει | ||
| καρδόπο | καρδούλα | ||
| ’κι | δεν | οὐκί<οὐχί | |
| όντες | όταν | ||
| πα | πάλι, επίσης, ακόμα | ||
| πουλίεται | πουλιέται | ||
| ραχ̌ι͜ά | ράχες, βουνά | ||
| σεβντά | αγάπη, έρωτας | sevda/sevdā | |
| σεβνταλής | ερωτοχτυπημένος, ερωτευμένος | sevdalı | |
| ταγιανίζω | αντέχω, βαστάω, υπομένω | dayanmak | |
| τίνος | ποιού; | ||
| τσ̌οκεύ’νε | καταπίπτουν, επικάθονται, κλίνουν υπό το βάρος | çökmek |
