Εγάπη μ’, σο παχτσόπο σου

Προβολή Τραγουδιού

Καλλιτέχνες: Νίκος Κελεσίδης, Παναγιώτης Κοσμίδης

Εγάπη μ’, σο παχτσ̌όπο σου
κρύον νερόν εβγαίνει
Κλίσκουμαι κα’ να πίνω/πίν’ α’ εγώ,
σην ψ̌η μ’ αχάντ’ εμπαίνει

Εγάπη μ’, σο παχτσ̌όπο σου
τραντάφυλλα -ν- ανθίζ’νε
Όντες ελέπ’ς με κι έρχουμαι
τα μάγ’λα σ’ κοκκινίζ’νε

Εγάπη μ’, σο παχτσ̌όπο σου
όντες ποτί͜εις λουλούδι͜α
Έρ’τανε παραστέκ’νε σε
τη Θεού τ’ αγγελούδι͜α

Εγάπη μ’, σο παχτσ̌όπο σου
απέσ’ εμέναν βάλον
Εσύ θα είσαι το τσ̌ιτσ̌έκ’
κι εγώ ο παχτσ̌εβάνον

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
ανθίζ’νε	ανθίζουν
απέσ’	μέσα
αχάντ’	αγκάθι	ἀκάνθιον, υποκορ. του ἄκανθα
βάλον	(προστ.) βάλε
εγάπη	αγάπη
ελέπ’ς	βλέπεις
έρ’τανε	έρχονται
έρχουμαι	έρχομαι
κα’	κάτω
κλίσκουμαι	σκύβω, κλίνω
κοκκινίζ’νε	κοκκινίζουν
μάγ’λα	μάγουλα	magulum
όντες	όταν
παραστέκ’νε	παραστέκουν, βοηθούν, στηρίζουν, περιποιούνται
παχτσ̌εβάνον	κηπουρός	bahçıvan/bāġçevān
παχτσ̌όπο	κηπάκι, περιβολάκι	bahçe/bāġçe
πίν’	πίνω/ει
ποτί͜εις	ποτίζεις, δίνεις σε κπ να πιει
τραντάφυλλα	τριαντάφυλλα
τσ̌ιτσ̌έκ’	λουλούδι	çiçek
ψ̌η	ψυχή