Τίναν θέλτς;

Προβολή Τραγουδιού

Καλλιτέχνες: Νίκος Κελεσίδης, Παναγιώτης Κοσμίδης

Ακεί πέρα σ’ ορμανόπα
στέκ’νε και τρία κορτσόπα
Τίναν θέλτς; τίναν λες;
Είναν ν’ αγαπάς και παίρτς;

Την μικρέσσα, την τρανέσσα,
ή την λυγεροκορμέσσα
Τίναν θέλτς; τίναν λες;
Είναν ν’ αγαπάς και παίρτς;

Είνας μάνα ’γέννεσεν
και τα τρία τα κορτσόπα
Τίναν θέλτς; τίναν λες;
Είναν ν’ αγαπάς και παίρτς;

Το μικρόν τ’ έμορφον,
το μικρόν εγώ θα παίρω
Έμορφον και πιτσ̌ιμπλίν
θα χαρεντερίζ’ την ψ̌η μ’

Γλωσσάρι

Κείμενο	Επεξήγηση	Ετυμ. Ρίζα
ακεί	εκεί
’γέννεσεν	γέννησε
είναν	έναν, μία
είνας	ένας/μία
έμορφον	όμορφο
θέλτς	θέλεις
κορτσόπα	κοριτσάκια
μικρέσσα	μικρή, νεαρή
ορμανόπα	δάση
παίρτς	παίρνεις
παίρω	παίρνω
πιτσ̌ιμπλίν	όμορφο, καλοσχηματισμένο, κομψό	biçimli
στέκ’νε	στέκουν
τίναν	ποιον/α
τρανέσσα	μεγάλη
χαρεντερίζ’	χαροποιώ/εί, ψυχαγωγώ/εί
ψ̌η	ψυχή