Φορίστε ’την, σκεπάστε ’την

Προβολή Τραγουδιού

Καλλιτέχνες: Μπάμπης Κεμανετζίδης, Χάρης Ακριτίδης

Φορίστε ’την, σ̌κεπάστε ’την
κι εμείς αληγορούμε
Τ’ οσπίτ’ν ατ’ς έν’ πολλά μικρόν
κι απέσ’ πα ’κ’ εχωρούμε

Ξυρίζ’νε το γαμπρόν εμουν,
φατέστεν και πιάτε!
Μαντίλα̤ θα χορεύομε,
ολόερα ελάτε

Χορεύομε και πίνομε,
σην εκκλησίαν πάμε
Παίζ’ το κλαρίνον, το ταούλ’
και παλαλά -ν- ευτάμε

Χωρίς αέραν το πουλίν,
χωρίς νερόν τ’ οψάρι
Χωρίς σεβντάν ’κι ’ίνεται
κανέναν παλληκάρι

Φέρ’τε ρακίν ας πίνομε,
κοσσάραν ας κρατούμε
Ση στράταν θα χορεύομε
και όλ’ ’α τραγωδούμε
και -ν- όλ’ θα τραγωδούμε

Γλωσσάρι

Κείμενο	Επεξήγηση	Ετυμ. Ρίζα
’α	θα
αληγορούμε	βιαζόμαστε
απέσ’	μέσα
ατ’ς	αυτής, της
εμουν	μας
έν’	είναι
ευτάμε	κάνουμε, φτιάχνουμε	εὐθειάζω
εχωρούμε	χωράμε
’ίνεται	γίνεται
’κ’	δεν	οὐκί<οὐχί
’κι	δεν	οὐκί<οὐχί
κοσσάραν	κότα
όλ’	όλοι/α
ολόερα	ολόγυρα
οσπίτ’ν	σπίτι	hospitium<hospes
πα	πάλι, επίσης, ακόμα
παίζ’	παίζω/παίζει
παλαλά	τρελά, τρέλες
πιάτε	(προστ.) πιείτε
πίνομε	πίνουμε
πολλά	(επίθ.) πολλά, (επίρρ.) πολύ
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σεβντάν	αγάπη, έρωτα	sevda/sevdā
ταούλ’	νταούλι	davul/ṭabl
τραγωδούμε	τραγουδάμε
φατέστεν	(προστ.) φάτε
φορίστε	ντύστε
χορεύομε	χορεύουμε