Αμερικήν και Αυστραλίαν

Προβολή Τραγουδιού

Καλλιτέχνες: Μπάμπης Κεμανετζίδης, Χάρης Ακριτίδης

Σην Ελλάδαν έρθαμε,
τον Πόντον εφέκαμε
Κι απ’ αδά ξαν φεύομε
αλλού να δουλεύομε

Αμερικήν και Αυστραλίαν,
Καναδάν και Γερμανίαν
Σ’ αβούτ’ τον κόσμον όπου πας
Πόντιο ’α συναντάς

Βάσανα επέρασαν,
σα ξένα εγέρασαν
Αν γεννίεσαι φτωχός
αραεύ’ς το τυχερό σ’

Αμερικήν και Αυστραλίαν,
Καναδάν και Γερμανίαν
Σ’ αβούτ’ τον κόσμον όπου πας
Πόντιο ’α συναντάς

Πολλοί άλλο ’κ’ έρθανε,
σα ξένα επέμ’νανε
Οσπίτα̤ ερημώθανε,
χορτάρ’ εγομώθανε

Αμερικήν και Αυστραλίαν,
Καναδάν και Γερμανίαν
Σ’ αβούτ’ τον κόσμον όπου πας
Πόντιο ’α συναντάς

Γλωσσάρι

Κείμενο	Επεξήγηση	Ετυμ. Ρίζα
’α	θα
αβούτ’	αυτό/ή, αυτοί/ές/ά
αδά	εδώ
αραεύ’ς	ψάχνεις, αναζητάς, γυρεύεις	aramak
γεννίεσαι	γεννιέσαι
εγομώθανε	γεμίσανε, βούρκωσαν, κόμπιασαν
επέμ’νανε	απόμειναν
ερημώθανε	ερημώθηκαν
έρθαμε	ήρθαμε
έρθανε	ήρθαν
εφέκαμε	αφήσαμε
’κ’	δεν	οὐκί<οὐχί
ξαν	πάλι, ξανά
οσπίτα̤	σπίτια	hospitium<hospes
φεύομε	φεύγουμε
χορτάρ’	χορτάρι